Нөөлөг салхины ГАМШИГТ ҮЗЭГДЛЭЭС сэрэмжилнэ үү!

Өнөөдөр буюу 16-нд Фён салхины нөлөөгөөр Ховдын нутгаар салхи секундэд 28 метр, зарим үед секундэд 34 метрийг давж ширүүсэж, шороон шуурга, Завханы нутгаар хүчтэй цасан шуурга шуурах тул болзошгүй эрсдэлээс урьдчилан сэргийлэхийг анхааруулж байна. 

Өглөөний 08:00 цагийн ажиглалтын мэдээгээр Ховд аймгийн Зэрэг суманд салхины дундаж хурд 25м/с, түр зуур 39м/с хүрч цаг агаарын гамшигт үзэгдлийн хэмжээнд хүрч хүчтэй салхилж байна.

Нөөлөг салхи гэдэг нь борооны бөөн үүл /Cb/, аадар хур тунадас, аянга цахилгаан ажиглагдах үед гэнэт богино хугацаагаар салхины хүч эрс ширүүсэхийг хэлнэ. Нөөлөг салхитай үед салхины чиглэл тогтдворгүй, хурд жигд бус 18-25 м/с буюу түүнээс их байх нь бий.