Халздын даваа уруудаад есөн машин цасанд суусан гэх дуудлагын дагуу ажиллаа

Сүхбаатар дүүргийн 19 дүгээр хороо, Санзайн зуслан ойн булаг явах замд, Халздын даваа уруудаад машинууд цасанд суусан гэх дуудлага мэдээлэл Нийслэлийн Онцгой байдлын газар 2024.01.09-ний өдрийн 20:00 цагт иржээ. Дуудлага мэдээллийн дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчдыг очиход 9 автомашинтай иргэд цасанд суусан байсныг татан гаргаж аюулгүй байдлыг ханган ажиллалаа.

Жолооч та бүхэн:

- Хол ойрын замд зорчихдоо зөвхөн баталгаат зам гүүрийг сонгох

- Техникийн бүрэн бүтэн байдлыг хангах

- Цаг уурын мэдээ мэдээллийг тогтмол хүлээн авах

- Мэргэжлийн байгууллагын заавар зөвлөмжийг дагаж мөрдөхийг зөвлөж байна.