Такси үйлчилгээ эрхлэгчдэд хууль эрх зүйн мэдлэг олгох сургалт зохион байгууллаа

Шударга өрсөлдөөн, хэрэглэгчийн төлөө газрын Баянхонгор аймаг дахь Улсын байцаагч Б.Анухатан аймгийн Цагдаагийн газартай хамтран Хүний эрхийг хамгаалах үндэсний хөтөлбөрийн хүрээнд Хэрэглэгчийн эрхийг хамгаалах, Хүүхдийн эрхийн зөрчлөөс урьдчилан сэргийлэх, Замын хөдөлгөөний аюулгүй байдал, гэмт хэрэг зөрчлийг бууруулах, урьдчилан сэргийлэх зорилгоор сургалт зохион байгууллаа.

Сургалтад аймгийн төвд такси үйлчилгээ эрхэлж буй жолооч нарыг хамруулан Хэрэглэгчийн эрх, Такси үйлчилгээний стандарт, ёс зүй ба харилцаа хандлага, гээгдсэн эд хөрөнгө завших гэмт хэргийн тухай ойлголт зэрэг сэдвээр хууль эрх зүйн мэдлэг олголоо. 

Сургалтын төгсгөлд такси үйлчилгээ эрхлэгч жолооч нар сонирхсон асуултууддаа хариулт авч тулгамдсан асуудлуудаар харилцан санал солилцлоо.