ЮНЕСКО-гийн Бүтээлч хотуудын сүлжээнд Улаанбаатар хот нэгджээ

Гэрэл зургийг MPA.mn

Дэлхийн хотуудын өдрөөр ЮНЕСКО-гийн Ерөнхий захирал Одри Азулэй 55 хот ЮНЕСКО-гийн Бүтээлч хотуудын сүлжээнд(UNESCO Creative Cities Network UCCN) нэгдсэнийг зарласны дотор Улаанбаатар хот багтжээ.

Дэлхийн хотууд хөгжлийн стратегийнхаа нэг хэсэг болгон соёл, бүтээлч сэтгэлгээг хөгжүүлэх, хүн төвтэй хот төлөвлөлтөд шинэлэг туршлагыг нэвтрүүлэх чиглэлээр тууштай идэвхтэй ажиллаж буйг ЮНЕСКО мэдээндээ онцолсон байна.

Энэхүү сүлжээнд тухайн хотын гар урлал, ардын язгуур урлаг, дизайн, кино, хоол унд, уран зохиол, хэвлэл мэдээллийн салбар, дуу хөгжим гэсэн долоон бүтээлч салбарыг харгалзан үзэн зуу гаруй орны 350 хотыг нэгтгээд байна хэмээн Парис дахь Монгол Улсын Элчин сайдын яамнаас мэдээллээ.