Таагүй шинж тэмдгүүдийг тоохгүй орхиж болохгүй!

Эрчүүд ээ, дараах шинж тэмдэг танд илэрсэн тохиолдолд бэлгийн замын халдвар авсан байх эрсдэл өндөр учир мэргэжлийн эмчид заавал үзүүлж, зөвлөгөө авах шаардлагатай гэдгийг мэдэх үү?

• Бэлэг эрхтнээс хэвийн бус ялгадас гарах буюу идээ гарах,
• Гадна бэлэг эрхтэн загатнах, хорсох,
• Шээхэд өвдөх, ойр ойрхон шээх,
• Хэвлийн доод хэсгээр эвгүй оргих,
• Бэлгийн харьцааны үед өвдөх,
• Арьс болон салст бүрхэвчин дээр тууралт, цэврүү, шархлаа гарах,
• Тунгалгын булчирхай томрох, булчирхай цочих.

Бэлгийн замын халдварууд нь янз бүрийн дотор эрхтний үрэвсэл, үргүйдэл, хорт хавдар зэрэг өөр өөрийн хүндрэлүүдтэй. Иймд хамтрагчаа зөв сонгож, хамгаалалт хэрэглэж, эрүүл харилцааг эрхэмлэх нь юу юунаас илүү чухал юм.

Хэрэв танд дээрх өвчний шинж тэмдэг илэрсэн бол мэргэжлийн эмчид яаралтай хандан өөрт тохирох эмчилгээг цаг алдалгүй эхлүүлээрэй.

Эх сурвалж: "Очир анагаагч" эмнэлэг