ДЭЛХИЙН МЭДЭЭ

В.Путин дахин хоёр удаа Ерөнхийлөгчөөр сонгогдох боломжтой болов

ОХУ-ын Төрийн тэргүүн В.Путинд дахин хоёр удаа Ерөнхийлөгчид нэр дэвших, сонгогдох боломжийг олгосон шинэ хуульд тэрбээр гарын үсэг зурлаа.

Тодруулбал, ОХУ-ын Ерөнхийлөгчийн сонгуулийн тухай хуульд зааснаар энэ албан тушаалд хоёр удаа сонгогдсон иргэн дахин сонгогдох эрхгүй. Харин В.Путиний Ерөнхийлөгчөөр сонгогдож ажилласан өмнөх хоёр хугацааг Үндсэн хуулийн өөрчлөлтөөр тэглэсэн. Өөрөөр хэлбэл, шинэ Үндсэн хууль хэрэгжиж эхэлснээр В.Путин бусад нэр дэвшигчийн адил хоёр удаа нэрээ дэвшүүлэх, сонгогдох эрхтэй болж байна.

В.Путин 2000, 2004 болон 2012, 2018 онд Ерөнхийлөгчөөр сонгогдон ажилласан бөгөөд одоо 2024,2030 онд нэр дэвших эрхтэй. В.Путиний өмнөх хугацааг тэглэх саналыг 2020 оны гуравдугаар сарын 10-нд Төрийн думын чуулганы үеэр гишүүн Валентина Терешкова дэвшүүлсэн. Энэ саналыг Үндсэн хуулийн цэц зөвшөөрч, бүх нийтийн санал асуулгаар иргэд дэмжин Үндсэн хуулийн өөрчлөлтөд оруулсан  билээ.

Эх сурвалж: Новости

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet