ДЭЛХИЙН МЭДЭЭ

Танзани: Ерөнхийлөгчтэй салах ёс гүйцэтгэх үеэр 45 хүн нас баржээ

Танзанийн тав дахь Ерөнхийлөгч, энэ оны гуравдугаар сарын 17-нд таалал төгссөн Жон Магуфулийг сүүлчийн замд нь үдэж, салах ёс хийх үеэр Дар-эс-Саламын Додом дүүргийн цэнгэлдэх хүрээлэнд 45 хүн олны хөлд дарагдаж нас барсан тухай орон нутгийн цагдаа нар мэдээлж байна.

Гуравдугаар сарын 21-нд болсон энэхүү ёслолын үеэр таван хүн дарагдаж нас барсан хэмээн мэдээлж байсан ч үнэн хэрэгтээ 45 хүн амиа алдаж, 37 хүн бэртэж гэмтсэн гэнэ. Жон Магуфулатай салах ёс гүйцэтгэх ёслол Танзани даяар зургаа хоног үргэлжилсэн бөгөөд Додомын цэнгэлдэх хүрээлэнд болсоны явдлын дараа хууль сахиулагчид харуул хамгаалалтыг чангатгасан байна.

2015 оноос хойш Танзанийг удирдсан Жон Магуфули гуравдугаар сарын 17-нд, 61 настайдаа зүрхний шигдээсээр таалал төгссөн юм. Харин сөрөг хүчнийхэн түүнийг коронавирусийн халдвар авч, хүндэрсний улмаас нас барсан гэж мэдэгдэж байв. Жон Магуфули цар тахал, дархлаажуулалтыг үл тоосон мэдэгдэл хийж, амны хаалт зүүхээс татгалзсан бөгөөд түүнийг эрх барьж байхад тус улс дахь коронавирусийн халдварын статистик, тоог ч нийтлээгүй. Тэрбээр энэ талаар гаднын шинжлэх ухаанд итгэхгүй, вакцин гаднаас худалдаж авахгүй гэж тайлбарлаж байжээ.

Эх сурвалж: Ньюс ру

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet