ХҮҮХЭД

Хүүхдээ хүмүүжүүлэхэд оролцдог ААВУУД сэтгэл гутралд бага өртдөг

Үр хүүхдээ төрсний дараах нэг жилийн хугацаанд өсгөн хүмүүжүүлэх, асран халамжлахад түлхүү оролцдог аавууд сэтгэл гутралд орох нь бага байдгийг мэргэжилтнүүд онцолж байна.

Хүүхэд төрүүлсэн нялх биетэй эхчүүд төрсний дараах хямралд өртөх нь олонтаа. Харин эрчүүдэд ийм сэтгэл гутралын шинж тэмдэг бага ажиглагддаг гэж үзэх нь цөөнгүй. Калифорнийн их сургуулийн судлаач Олажиде Бамишигбиний ахалсан эрдэмтдийн баг хүүхэд нь дөнгөж төрсөн аавуудыг нэг жилийн хугацаанд туршилтад хамруулсан байна.

Эрдэмтэд бага орлоготой, амьжиргааны түвшин доогуур 881 өрхийн тэргүүнийг  судалгаандаа оролцуулж, хүүхдээ төрсний дараах нэг сар, хагас жил, нэг жилийн дараа тэдний сэтгэл санааны байдлыг тодорхойлсон байна. Ингэхдээ аавууд хүүхдээ хэр их хардаг, юу худалдан авч өгдөг, ажлын болон амралтын өдрүүдээр хэдэн цагийг хүүхэдтэйгээ өнгөрүүлдгээ мөн хуваалцаж байв.

The Importance of Playtime with Dad

Хүүхэддээ цаг гаргаж, асрах, хооллох, тоглоход анхаарал тавьж, ойрын хэрэглээний эд зүйлс, тоглоом, хувцас худалдан авч өгдөг аавуудад сэтгэл гутралын шинж тэмдэг бага ажиглагдаж байсан аж.

Судалгаанаас хоёр чухал дүгнэлтийг хийж болно. Хамтдаа цагийг өнгөрүүлэх нь хүүхдэд ч, аавуудад ч сайнаар нөлөөлнө. Тиймээс хүүхдээ нялх балчир байхад халамжлан хүмүүжүүлэх, асрах, хамтдаа тоглоход цаг гаргаж байх нь зүйтэй. Нөгөөтэйгүүр хүүхэд төрсний дараа зөвхөн ээжүүд ч биш, аавууд мөн хямарч, сэтгэл санааны байдал өөрчлөгддөг. Тэгэхээр үүнд ч анхаарал хандуулах ёстой” гэж судалгаанд онцолжээ. Мөн хүүхэд төрсний дараа сэтгэл гутралд өртөхөөс сэргийлэхийн тулд аавуудад цалинтай амралт өгөх шийдэл байгааг мөн судлаачид өгүүлжээ.

Эх сурвалж: Psy Post

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet