ЗӨВЛӨГӨӨ

Аль ч насны хүүхдэд тустай ЭНГИЙН ХҮНСНҮҮД

Өдөр өдрөөр өсөж буй хүүхдийнхээ эрүүл мэнд, бие махбодийн хөгжилд тустай хоол, хүнсний бүтээгдэхүүн сонгох асар чухал. Хүүхдийн хоолны цэсэнд заавал байх ёстой, аминдэм, эрдсээр баялаг хүнсний бүтээгдэхүүний талаар онцолж байна.

Зутан

Хүүхдийг эрч хүчээр цэнэглэхийн зэрэгцээ удаан хугацаанд цатгах хамгийн шилдэг хоол бол зутан. Цагаан, шар болон гурвалжин будаа, буудайн зутан нь А, В, С, Д, Е аминдэмээр баялаг тул хүүхдийнхээ өглөөний цайны цэсэнд нэмээрэй.

Өндөг

Уураг, амин хүчил, А, D, В2 аминдэм агуулдаг тахианы өндөгийг өдөр бүр хүүхэддээ өгсөн ч болно. Гол нь өндгийг чанах, шарах зэрэг олон төрлөөр бэлдэж болох учир уйдахгүй.

Жимсний салат

Бие махбодийн хөгжил, өсөлтөд зайлшгүй шаардлагатай аминдэмийг өгөхийн тулд өдрийн хоолонд жимсний салат хийж хэвшээрэй. Хүүхдийн организм жимсийг сайн шингээж боловсруулдаг бөгөөд алим, лийр, тоор зэрэг жимс А аминдэмээр баялаг тул харааг сайжруулж, арьс, үс, шүдийг бэхжүүлнэ.

Нимбэг, жүрж зэрэг бэрсүүт төрлийн жимсэнд С, В1 аминдэм агуулагдах тул бодисын солилцоог сайжруулж, зүрх судасны үйл ажиллагаанд сайнаар нөлөөлдөг.

Мах

Хүүхдийнхээ өдрийн хоолонд уурагтай хүнсний бүтээгдэхүүн сонгоорой. Загас, тахиа, үхрийн мах нь уураг, төмөр, цайр, В2, B6 аминдэм агуулдаг. Махаа болгохдоо жигнэх, чанах нь хүүхдийн эрүүл мэндэд тустай.

Сүү, тараг

Их үдэд хүүхдэд нэг аяга сүү, эсвэл тараг уулгаж хэвшээрэй. Хүүхдийн нэг өдөрт хэрэглэх сүүний хэмжээ 500 мл-аас хэтрэхгүй байх ёстой бөгөөд хэт тослог биш, 2.5 хувийн илчлэгтэйг сонгоорой.  Кальц, тос, аминдэм, мөн лактобактер агуулсан сүүн бүтээгдэхүүн нь хүүхдийн өсөлтөд чухал нөлөө үзүүлнэ.

Ногоо

Хүүхдийнхээ оройн хоолонд ногоо заавал өгөөрэй. Хагас болгосон ногоон ногоо, жигнэж лууван, төмс, байцаа нь хүний биеийг аминдэмээр хангаад зогсохгүй махан бүтээгдэхүүнийг шингээн, ходоод гэдэсний үйл ажиллагааг дэмжих бөгөөд өтгөн хатахаас сэргийлнэ.

Эх сурвалж: ELLE

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet