Германы амласан “Leopard 2” танкнууд Украинд хүрчээ

Германы амласан 18 ширхэг “Leopard 2” байлдааны танк Украинд хүрснийг Германы Батлан хамгаалах яам даваа гарагт мэдэгдэв.

Тус улс нь нэгдүгээр сард барууны зэвсэглэлд хамгийн шилдэгт тооцогдох танкнуудыг Киевт нийлүүлэхээр тохиролцсон ч Москва үүнийг аюултай өдөөн хатгалга гэж үзээд байгаа.

Өчигдөр Германы Батлан хамгаалахын сайд Борис Писториус танкны тухайд “Тэд фронтод шийдвэрлэх хувь нэмэр оруулж чадна гэдэгт итгэлтэй байна” гэж “Twitter”-т жиргэжээ.

Аюулгүй байдлын эх сурвалжийн хэлснээр 18 танкнаас гадна 40 ширхэг Германы “Marder” явган цэргийн байлдааны машин, хоёр хуягт машин Украинд хүргэгдсэн байна.

Германы арми Украины танкны анги болон “Marder” байлдааны машинуудыг ажиллуулахаар томилогдсон цэргүүдийг Германы хойд хэсгийн Мюнстер, Берген хотод хэдэн долоо хоногийн турш сургасан юм.

Түүнчлэн Португалийн амласан гурван “Leopard” танк Украинд хүрсэн болохыг аюулгүй байдлын эх сурвалж мэдэгдсэн байна.

Эх сурвалж: Reuters