Гар дээрээс согтууруулах ундаа худалдан борлуулсан 47 зөрчил илэрчээ

Нийслэлийн цагдаагийн газраас "Эргүүл" тусгай арга хэмжээг зохион байгуулж байна.

Арга хэмжээний хүрээнд шөнийн эргүүлийн хэлтсээс давхардсан тоогоор  258 чиглэлд 516 алба хаагч үүрэг гүйцэтгэж,  1,262 иргэн, 1,039 тээврийн хэрэгслийг шалгав.

Шалгалтаар бусдын биед гэмтэл учруулах хоёр хэргийг таслан зогсоож, шүүхээс эрэн сурвалжлагдаж байсан гурван хүнийг олж тогтоолоо.

Мөн гар дээрээс хууль бусаар согтууруулах ундаа худалдан борлуулсан 47, согтуугаар тээврийн хэрэгсэл жолоодсон 15, нийт 62 зөрчлийг илрүүлж, согтууруулах ундаа хэтрүүлэн хэрэглэж биеэ авч явах чадваргүй 27 хүнийг ар гэр, асран хамгаалагч нарт нь хүлээлгэн өгч ажиллажээ.

Эх сурвалж: Нийслэлийн цагдаагийн удирдах газар