Х.НЯМБААТАР: Малчид маань уул уурхайн талаар маш их мэдлэгтэй болсон байна

Хууль зүй, дотоод хэргийн сайд Х.Нямбаатар Засгийн газрын хуралдааны дараа мэдээлэл өглөө. Түүний хувьд Өмнөговь аймгийн хилийн боомтуудын нөхцөл байдалтай танилцаж, үйл ажиллагааг эхлүүлэх, экспортыг нэмэгдүүлэх ажлын хүрээнд Шивээ хүрэн, Цагаан дэл, Гашуунсухайтад ажиллаад ирсэн бөгөөд ажлын тайланг Засгийн газарт танилцуулжээ.

Өмнөговь аймгийн малчид иргэдийн хувьд Борзонгийн говь, говийн байгалийн олон төрөл зүйл, эко системд нөлөөлөх үр дагавар мөн тухайн нутгийн бэлчээр усны асуудал хөндөгдөх, боомтыг даган шинээр уул уурхай бий болох зэрэг эрсдэлтэй нөхцөл үүсэхвий гэдэгт ихээхэн санаа зовж, эсэргүүцэж байгаа юм.

Хууль зүй, дотоод хэргийн сайд Х.Нямбаатар мэдээллийн үеэрээ "Малчид уул уурхайн талаар маш их мэдлэгтэй болсон байна" гэдгийг тодоголоо.