"Роснефть" компанитай хэлцэл хийсний үр дүнд АИ-92 шатахууныг тонныг нь 840 ам.доллараар авахаар болсон

-Уул уурхай, хүнд үйлдвэрийн яамнаас шатахууны асуудлаар мэдээлэл хийлээ-

Энэ үеэр Уул уурхай, хүнд үйлдвэрийн дэд сайд О.Батнайрамдал "Роснефть" компанитай хэлцэл хийсний үр дүнд АИ-92 шатахууныг тонныг нь 840 ам.доллараар авахаар болсон гэдгийг онцоллоо.

Улсын хэмжээнд энэ сарын 28-ны өдрийн байдлаар нийт 133,084 тн шатахууны нөөцтэй байна. Үүнээс,

• А-80 автобензин 10,804 тн,
• АИ-92 автобензин 43,860 тн,
• АИ-95 автобензин 8,255 тн,
• ДТ 65,438 тн байгаа ба АИ-92 автобензиний 33,
• АИ-95 автобензиний 62 хоногийн,
• А-80 автобензиний 65,
• ДТ-ний 24 хоногийн нөөцтэй байгааг мэдээллээ.

Улаанбаатар хотын хэмжээнд нийт 71,617 тн шатахууны үлдэгдэлтэй байгаагаас,

• А-80 автобензин 2,544 тн,
• АИ-92 автобензин 24,779 тн,
• АИ-95 автобензин 4,074 тн,
• ДТ 35,834 тн байгаа ба АИ-92 автобензиний 26,
• АИ-95 автобензиний 56,
• ДТ-ний 33 хоногийн буюу хэвийн нөөцтэй байна.

Шатахууны нөөцийг бүсчилбэл, баруун бүсэд 15,331 тн, хангайн бүсэд 8,353 тн, төвийн бүсэд 27,519 тн, зүүн бүсийн шатахууны үлдэгдэл, нөөц 7,025 тн.

Манай улс он гарсаар нийт 520.5 мян.тн газрын тосны бүтээгдэхүүн импортолсон аж. Үүнд А-80 автобензин 12.4 мян.тн, АИ-92 автобензин 184.8 мян.тн, АИ-95/98 автобензин 10.5 мян.тн, ДТ 257.7 мян.тн, онгоцны түлш 17.1 мян.тн, бусад 38.1 мян.тн байна гэж УУХҮЯ-наас мэдээллээ.