Сармагчны цэцэг өвчин манай улсад зөөвөрлөгдөн орж ирвэл тархах эрсдэл “Дунд” гэж үнэллээ

Дэлхийн эрүүл мэндийн байгууллага (ДЭМБ)-аас долдугаар сарын 23-ны өдөр Сармагчны цэцэг өвчнийг (monkeypox) “Олон улсын шинж чанартай нийгмийн эрүүл мэндийн ноцтой байдал” хэмээн зарласны дагуу манай улс энэ өвчний эрсдэлийн үнэлгээг гурав дахь удаагаа хийлээ. Ээлжилт эрсдэлийн үнэлгээг ЭМЯ-ны Халдварт бус өвчний хэлтсийн дарга Г.Ганхуяг удирдан зохион байгуулав.

Эрсдэлийн үнэлгээнд:

• Эрүүл Мэндийн Яам
• Халдварт Өвчин Судлалын Үндэсний Төв (ХӨСҮТ)
• ДЭМБ-ын Монгол улс дах суурин төлөөлөгчийн газар
• Зоонозын Өвчин Судлалын Үндэсний Төв (ЗӨСҮТ)
• Нийгмийн эрүүл мэндийн үндэсний төв (НЭМҮТ)
• Гаалийн Ерөнхий Газрын төлөөлөл нийт 20 гаруй удирдлага, мэргэжилтэн нар оролцлоо.

Ингээд сармагчны цэцэг өвчин манай улсад зөөвөрлөгдөн орж ирвэл тархах эрсдэл “Дунд” гэж үнэллээ.