Live
УИХ-ЫН СОНГУУЛЬ 2020

Ардчилсан нам УИХ-ын ээлжит сонгуульд оролцох батламжаа СЕХ-ноос авлаа

Ардчилсан нам 2020 оны УИХ-ын ээлжит сонгуульд оролцох батламжаа СЕХ-оос хүлээж авлаа. Монгол Улсын Их Хурлын сонгуулийн тухай хуульд заасны дагуу нам, эвслүүд сонгуульд оролцох хүсэлтээ холбогдох баримт бичгийн хамтаар СЕХ-нд хүсэлтээ хүргүүлсэн. Улмаар СЕХ-ны 2020 оны дөрөвдүгээр сарын 27-ны өдрийн 32 дугаар тогтоолоор Ардчилсан намыг 2020 оны УИХ-ын ээлжит сонгуульд оролцуулахаар бүртгэсэн тул батламжийг олгосон юм.

Энэ үеэр УИХ-ын гишүүн, Ардчилсан намын дарга С.Эрдэнэ “Ардчилсан намын 2020 оны УИХ-ын сонгуульд оролцох мөрийн хөтөлбөрийн үндсэн бодлого бол “Өрхийг дэмжих өсөлтийн бодлого” юм. Аливаа төрийн үндэс бол өрх гэр бүл байдаг. Тиймээс ч Ардчилсан нам Монгол өрх бүрийг чинээлэг, аз жаргалтай, эрүүл саруул, эрх тэгш  амьдрахад чиглэсэн  дэмжсэн хөгжлийн бодлогыг хэрэгжүүлнэ гэдгийг онцолъё.

2020 оны дөрөвдүгээр сарын 30. Нам, эвсэлд Монгол Улсын их хурлын 2020 оны ээлжит сонгуулийн батламж олголоо. ГЭРЭЛ ЗУРГИЙГ Д.ЗАНДАНБАТ/MPA

Бид 2020 оны УИХ-ын ээлжит сонгуульд шударга ёсны зарчимд суурилж, эрх тэгш  оролцож, бусад улс төрийн намуудтайгаа шударгаар өрсөлдөнө. Мэдээж эрх баригч намын хууль бус үйлдлүүд одоо ч гарч байгаа. Гэхдээ Ардчилсан нам Сонгуулийн хуулийн зүйл, заалт бүрийг чандлан мөрдөж, энэ удаагийн сонгуульд амжилттай оролцоно гэдэгт итгэлтэй байна” гэлээ.

Are foreign drugstores clinically appropriate for Americans today

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet