ЭДИЙН ЗАСАГ

Ирэх оноос зөвхөн самнасан ноолуур экспортолно. Үүнийг дагаад 4,400 ажлын байр бий болно

Гэрэл зургийг MPA.mn

-Самнасан ноолуур экспортолсноор шинээр 4,400 ажлын байр бий болно- 

Манай улс түүхий эдийн бааз биш харин дотооддоо бүтээж чадах бүхнээ үйлдвэрлэхэд гол хөшүүрэг болохуйц чухал шийдвэрийг Засгийн газрын ээлжит хуралдаанаар гаргасан. 

Ирэх оноос угаасан бус харин самнасан ноолуур экспортолж эхэлснээр одоо байгаа 2200 ажлын байрыг хадгалж, 4400 ажлын байр шинээр нэмэгдэх улмаар тус салбарын борлуулалтын орлогыг 600-700 тэрбум төгрөгөөр нэмэгдүүлэх боломж бүрдэж байна.  

  • Манай улсын экспортолж байгаа ноолуурын 80 хувийг зөвхөн угаасан ноолуур эзэлдэг; 
  • Ноолуурыг угаах явцад ашигласан маш их хэмжээний бохир усыг байгаль орчинд гаргадаг; 
  • Дэлхийн худалдааны байгууллагад манай улс элсэхдээ ноолуурын экспортын татварыг тэглэх үүрэг хүлээсэн нь дотооддоо нэмүү өртөг шингээх, өндөр ашиг шим хүртэх стратегийн бүтээгдэхүүнээсээ олох боломжит орлогоо алдсаар байна.  

Иймд Хүнс, хөдөө аж ахуй, хөнгөн үйлдвэрийн яамнаас үйлдвэрүүдийн хүчин чадлыг бүрэн ашиглах, дотооддоо нэмүү өртөг шингээх, ажлын байрыг нэмэгдүүлэх зорилгоор “Ямааны ноолуурын боловсруулалт, худалдаанд мөрдөх техникийн зохицуулалт”-ын төслийг холбогдох дүрэм, журамд нийцүүлэн боловсруулж, батлууллаа. 

Тус техникийн зохицуулалтад “Экспорт, импортын зориулалтаар улсын хилээр нэвтрүүлэх ямааны ноолуур нь хялгас болон завсрын үсний агууламж 0.3 хувиас ихгүй байна” гэж тусгасан нь зөвхөн самнасан ноолуурыг хилээр нэвтрүүлэх гол зохицуулалт болж байна. Тухайлбал, 3880 тонн самнасан ноолуур экспортолж, 2.5 сая ширхэг бэлэн бүтээгдэхүүн (600-700 тэрбум төгрөгийн нэмүү өртөг шингэсэн) борлуулж, нийтдээ 1.8 их наяд төгрөгийн борлуулалт хийх нөхцөлийг бий болгож байна. 
Цаашид ноолуурын үйлдвэрлэлийн шат дамжлагыг ахиулж, ээрсэн утас буюу бэлэн бүтээгдэхүүн үйлдвэрлэхийн төлөө ажиллах шаардлагатайг салбарынхан онцоллоо. 

1 сэтгэгдэл

  1. Гийчин

    2022-10-28

    Тийм их ажлын байр гаргана гэнэ тэр их ажиллах үйлдвэр самнах машин нь хаана байнаа. Хавар ямаагаа самнаад ноолуурын наймаа хавар зундаа явагдаад дуусдаг тэгвэл бүх ноолуураа самнаж гаргах болвол самнах үйлдвэрийн түгжрэлд орно. Тэр хугацаанд ханшийн хэлбэлзэл хэр явагдах бол, эхэн үедээ ханш сайн байх болно удах тусам ханш буурна эцэст нь ноолуур үнэ ханштай болно. Үндэсний үйлдвэрлэлээ дэмжинэ гэдэг нэрийн дор хэдэн малчидаа хохироож хог дээр гаргах юм байналдаа. Угааж боловсруулж гаргана гэж байгаад арьс ширээ ширхэг талхны үнэгүй болгосон одоо арьс шир сумдын хогын цэгээр дүүрэн хаягдаж байна. Эргүү малуудаа ажил хийж буй дүр эсгээд зүгээр сууж чадахгүй дандаа Монголоо хорлосон үйлдэл гаргах юмаа. Эдийн засаг хямарсан үед угааж самнаж боловсруулж гаргана гэдэг буруу байх гэж бодож байна хямралаас гартал бүх түүхий эдээ түүхийгээр нь гарга улс татвараа авна малчид иргэд арьс ширээ мөнгө болгоно. Хогдээр хаягдахгүй хорт хиймийн бодис Монголд үлдэхгүй байхшүү

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet