УЛС ТӨР

АН: 667 тэрбум төгрөгийг гадаадад ажиллаж, амьдарч буй иргэддээ олгох төсөл санаачиллаа

2020-04-10

УИХ дахь Ардчилсан намын зөвлөл гадаадад ажиллаж, амьдарч байгаа иргэдийг тухайн улсынхаа консулд хандаж бүртгүүлэх, амьжиргаа залгуулах мөнгөн хөрөнгө олгох УИХ-ын тогтоолын төсөл санаачиллаа.

Одоогоор гадаадад нийт 180 мянга орчим монголчууд ажиллаж, амьдарч байна. Коронавирусийн цар тахлын улмаас бодит хүндрэл, бэрхшээлтэй нүүр тулгараад буй гадаадад байгаа иргэддээ Монгол Улсын Засгийн газар тусламж, дэмжлэг үзүүлэх зайлшгүй шаарлага үүсээд байна гэж тэд үзэв.

Хүнд нөхцөлд орсон иргэдээ Монгол Улсын төр яг одоо л дэмжихгүй бол ажлын байргүй, амжиргааны зардалгүй болсон монголчууд маш хүнд нөхцөлд өдөр хоногийг өнгөрүүлж байна. Үүнээс гадна Европын орнууд болон АНУ-д ажиллаж, амьдарч буй Монгол иргэд арьс өнгөөр гадуурхагдах зэрэг бодит бэрхшээлтэй тулгараад байгаа юм.

Гадаадад ажиллаж, амьдарч буй манай улсын 200 орчим мянган иргэнд сар бүр 200 ам.долларын хүнсний болон амьжиргааны тусламж, дэмжлэг үзүүлэхэд улсын төсвөөс сард 40 000 000 ам.доллар буюу 111 тэрбум 256.8 сая төгрөгийн (USD 2,781.42 – 2020/4/9) зардал гарна. Хэрэв хагас жилээр тооцвол 667 тэрбум 540.8 сая төгрөгийг гадаадад ажиллаж амьдарч буй иргэддээ олгох юм.

Аливаа гэнэтийн хүндрэл, бэрхшээл тохиолдсон Монгол иргэдэд туслах зориулалт бүхий “Гадаадад байгаа иргэдэд туслах сан” гэж бий. Тус санд жилд дунджаар 100 орчим сая төгрөг төвлөрдөг. Гэвч сангийн хөрөнгө гадаадад ажиллаж, амьдарч буй 200 орчим мянган иргэнд тусламж, дэмжлэг үзүүлэхэд хүрэлцэхгүй. Тиймээс ч УИХ дахь Ардчилсан намын зөвлөлийн энэхүү санаачлага цаг үеэ олсон шийдэл гэж үзэж байгаа юм.

Falsified Medications Are A Huge Global Problem