ДЭЛХИЙН МЭДЭЭ

Хятад улс Тайванийн ойролцоо шумбагч онгоц эсэргүүцэх болон тэнгисийн цэргийн довтолгооны сургуулилалт хийхээр төлөвлөжээ

Дөрвөн өдрийн цэргийн сургуулилалт ням гарагт дуусах ёстой байсан ч Хятадын арми Тайванийг тойрсон томоохон хэмжээний цэргийн сургуулилалтаа үргэлжлүүлэхээр болсноо мэдэгджээ.

Хятадын армийн зүүн бүсийн командлал сургуулилалтын хүрээнд шумбагч онгоц эсэргүүцэх довтолгоо, тэнгисийн дайралт хийнэ гэж мэдэгдэв. Өмнөх дөрвөн өдрийн сургуулилалт нь АНУ-ын Төлөөлөгчдийн танхимын дарга Нэнси Пелосигийн Тайваньд хийсэн айлчлалын эсрэг Бээжингийн хариу арга хэмжээ байв.

Тайвань эдгээр сургуулилалтыг ирээдүйд арал руу довтлох дадлага болгон ашигласан гэж Хятадыг буруутгаж байна.

Сургуулилалтын үеэр Хятадын нисэх онгоц, хөлөг онгоцнууд Тайванийн хоолойн гол шугамыг удаа дараа давсан, гэхдээ эргээс 12 далайн миль (22 км) зайд орших усан хилд нэвтрээгүй гэж Тайвань даваа гарагт мэдэгдэв.

Бямба гарагт Хятад, Солонгосын хойгийн хооронд орших Шар тэнгист эхлүүлсэн цэргийн сургуулилалт наймдугаар сарын дунд үе хүртэл үргэлжлэх бөгөөд энэ хүрээнд өдөр бүр байлдааны буудлага хийхээр төлөвлөжээ.

Үүнээс гадна, Бохайн тэнгисийн нэг хэсэг буюу Шар тэнгисийн хойд хэсэгт нэг сарын турш үргэлжлэх цэргийн ажиллагаа бямба гарагт эхэлсэн байна.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet