ХЭРЭГ ЗӨРЧИЛ

“Хүүхдээ өргүүлнэ” гэж зар тавьсан эмэгтэйг хамгаалах байранд авчээ

Цахим орчинд наймдугаар сарын 4-ний өдөр Suwderdene гэх фэйсбүүк хаягнаас нярай хүүхдийн зураг байршуулан “төрөөд сар болж байгаа хүү өргүүлнэ, авах хүн байвал аваарай, тэжээж өсгөхөд бэрх байна” гэсэн мэдээлэл байршуулсан асуудалд цагдаагийн байгууллагаас холбогдох шалгалтын ажиллагааг хийж байна.

Шалгалтын явцад Баянзүрх дүүрэгт оршин суух 22 настай, эмэгтэй С нь нөхөр 26 настай эрэгтэй Б-тэй таарамжгүй харьцаатай байсан тул сэтгэл санаа хямарсан үедээ 28 хоногтой хүүгээ хүнд өргүүлнэ гэж постыг нийтэлсэн гэх мэдээллийг өгчээ. 

Цагдаагийн байгууллагаас аюулын зэргийн үнэлгээг хийснээр эх, хүүхдийг хамтад нь цагдаагийн байгууллагын Түр хамгаалах байранд авч, аюулгүй байдлыг нь ханган, хорооны хамтарсан баг, дүүргийн Гэр бүл, хүүхэд залуучуудын хөгжлийн хэлтэстэй хамтран нөхцөл байдлын үнэлгээ хийн ажиллаж байгаа аж.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet