НИЙГЭМ

Гэр хорооллын 100 га газарт 10,000 айлын ногоон орон сууц бүхий эко хороолол байгуулна

Гэрэл зургийг MPA.mn

-Улаанбаатар хотын орлогод нийцсэн ногоон орон сууц төслийн удирдах хороо хуралдлаа-

Нийслэлийн Засаг даргын 2022 оны А/320 дугаар захирамжаар шинэчлэн байгуулагдсан “Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл”-ийн Төслийн удирдах хороо хуралдлаа.

Төслийн удирдах хорооны хуралдаанаар нийт долоон асуудлыг хэлэлцсэн. Тодруулбал, төслийн 2022 оны үйл ажиллагааны төлөвлөгөө, төслийн худалдан авах ажлын төлөвлөгөө, төсөл хэрэгжих байршлыг тодорхойлон батлуулах зэрэг асуудлуудыг хэлэлцэн баталсан юм.

“Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл” нь Азийн хөгжлийн банк, Уур амьсгалын ногоон сан болон Өндөр технологийн сангийн санхүүжилтээр 2020 оноос хэрэгжиж эхэлсэн. Энэ хүрээнд гэр хорооллын 100 га газарт 10.000 айлын эрчим хүчний хэмнэлттэй ногоон орон сууц бүхий эко хорооллыг байгуулах бөгөөд нийт долоон жилийн хугацаанд хэрэгжих юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet