ДЭЛХИЙН МЭДЭЭ

Шри Ланкийн эдийн засгийн байдал хамгийн том уналтад оржээ

Өнгөрсөн гуравдугаар сард Шри-Ланка улс Хятадаас 1.5 тэрбум ам.долларын валютын своп шугамийн зээл хүлээн авч Азийн долларын бондын хамгийн өндөр хувийг эзэлсний дараа эдийн засгийн байдал нь хамгийн том уналтад орлоо.

Коломбо дүүргийн парламентын гишүүн ноён Мужибур Рахман хэлэхдээ, Шри-Ланкийн засгийн газар Олон улсын валютын санд хандахгүй, Хятадаас хараат болсон нь тус улсын дотоодод хямрал үүсгэсэн бөгөөд үүний хамгийн чухал нь гадаад валютын ханш өсөлт юм. Үүний зэрэгцээ, парламентын гишүүн, сайд асан, профессор Тисса Витарана олонхийн нийтлэг ойлголт бол Хятад улс Шри Ланкад үндэсний ашиг сонирхлоо урвуулан мөрийн хөтөлбөрөө урагшлуулахыг хичээж байна гэж онцлон тэмдэглэв. Шри Ланка нь 2022 оны долдугаар сарыг дуустал төлөх ёстой 2.5 тэрбум ам.долларын бонд, түүний дотор нэг тэрбум ам.долларыг төлөх ёстой тул аялал жуулчлалын салбартаа заналхийлж буй Ковид-19-өөс гарах арга замыг хайж байна.

  • Мужибур Рахман – Коломбо дүүргийн парламентын гишүүн:

-Одоогоор Шри Ланк улсын гадаад валютын нөөц 2.9 тэрбум доллараар буурчээ. Тус улсад амьжиргааны өртөг нэмэгдэж, хүнсний хямрал, мөнгөний хомсдол нүүрлэж байна. Засгийн газар импортыг зогсоож, зөвхөн дотоодын бүтээгдэхүүнд найдах шийдвэр гаргасан нь иргэдийн зовлон зүдгүүрийг нэмэгдүүлж, улсын хэмжээнд хямралыг үүсгэв. Хятадаас өөр ямар ч улс Шри Ланк улсыг санхүүгийн хувьд дэмжих сонирхол байгаагүй. Тиймээс төр нь ОУВС-гаас илүүтэй Хятадын дэмжлэгийг байнга авдаг.

  • Тисса Витхарана – Парламентын гишүүн:

-Миний бодлоор Шри-Ланкийн өнөөгийн байдал нь засгийн газрын гадаад бодлогыг муу удирдаж байгаагийн үр дүн юм. Хятад улс Шри Ланкад мөрийн хөтөлбөрөө хэрэгжүүлэхийг оролдож байна гэсэн нийтлэг ойлголт байдаг. Эдийн засаг, улс төр, соёл урлаг гээд бүхий л арга замаар эрх мэдлээ тогтоохыг эрмэлзэж байгаа Хятад эсвэл гадаадын аль нэг гүрнийг буруутгах аргагүй гэж би харж байна

Шри Ланк улсад урьд өмнө үзэгдээгүй гадаад валютын хямрал нүүрлэж , гадаад нөөц багассан. Тийм ч учраас тус улсад эдийн засгийн асар том хямрал нүүрлэж байна. Засгийн газар гадаад валют, мөнгөний яаралтай хэрэгцээ байгаа энэ үед бүх арга замаар гарах гарцыг олох ёстой.

Эх сурвалж: A24 суваг

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet