СОЁЛ УРЛАГ

“Улаанбаатар” олон улсын кино наадам өнөөдөр “Зургадугаар бүхээг” уран бүтээлээр эхэлнэ

Нийслэлийн Засаг даргын Тамгын газар, Нийслэлийн Соёл, урлагийн газар, Монголын урлагийн зөвлөл (МУЗ) нь Швейцарын хөгжлийн агентлаг, “Номадиа пикчерс” компанитай хамтран Соёлын яам, Оросын холбооны улсын Элчин сайдын яам, Бүгд найрамдах Франц улсын Элчин сайдын яам, Монгол дахь Гёте институт, Улаанбаатар дахь “Русский дом”-ийн дэмжлэгтэйгээр Монголын кино урлагийн салбарыг хөгжүүлэхэд хувь нэмэр оруулах, кино уран бүтээлчдийн олон улсын хамтын ажиллагааг нэмэгдүүлэх, дэлхийн нэр хүндтэй наадмуудад шалгарсан кино бүтээлийг Монголын үзэгчдэд хүргэх зорилготой 13 дахь удаагийн “Улаанбаатар” олон улсын кино наадам (УБОУКН)-ыг өнөөдрөөс буюу энэ сарын 18-24-д Улаанбаатар хотноо зохион байгуулж байна.

Энэ жилийн наадмын онцлох орноор ОХУ сонгогдсон ба зохион байгуулагчид Канн, Берлин, Венец зэрэг дэлхийн А зэрэглэлийн кино наадмын шагналт, 2020-2021 онд бүтээгдсэн Орос, Франц, Герман, Иран, Мьянмар, Швейцар, Энэтхэг, Япон болон Монголын 18 бүрэн хэмжээний уран сайхны киног “Нээлтийн кино”, “Олон улсын кино хөтөлбөр”, “Монгол киноны хөтөлбөр”, “Үзэхийн хязгаар” хэсгээр үзүүлэхээр бэлтгэжээ.

Тус кино наадмын нээлтийн уран сайхны кино өнөөдөр гарах бөгөөд 2021 Каннын олон улсын кино наадмын уралдаант хэсгийн Гран-при шагналт “Зургадугаар бүхээг” бүтээлийг 18:00 цагт толилуулна.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet