СОЁЛ УРЛАГ

“Алтан Судал” МУСК Германы Кино академиас “Алтан Лола” цом хүртлээ

Найруулагч Б.Бямбасүрэнгийн бүтээл “Алтан Судал” уран сайхны кино /2021.10.01/ Германы Кино академиас зохион байгуулдаг олон улсын кино наадмын “Алтан Лола” цом хүртжээ. Тэрбээр 15 жилийн өмнө  2006 онд “Шар нохойн там” киногоороо энэхүү шагналыг хүртэж байсан тухайгаа өөрийн фэйсбүүк хуудсандаа нийтэлсэн байна.

“Алтан судал” кино нь 2020 оны хоёрдугаар сард Берлиний кино наадамд амжилттай оролцож, нээлтээ хийсэн. Энэ цагаасаа хойш олны анхаарлыг татаж, үзэгчдээс өндөр үнэлгээ аваад буй.

Герман, Австрали, Араб, Монгол Улсын уран бүтээлчид хамтран ажилласан энэ киноны гол дүрд жүжигчин Н.Ялалт, Т.Энэрэл, Б.Бат-Ирээдүй, Б.Алгирчамин, С.Ариунбямба нар тоглосон юм.

“Алтан судал” уран сайхны кино нь 2021 оны дөрөвдүгээр сард Канадын “Reel 2 Real” наадмын шилдэг зураглалын шагнал хүртсэн. Мөн гуравдугаар сард Швейцарийн Женев хотноо болсон хүний эрхийн кино наадмаас /FIFDH/  “Мэргэжлийн шүүгчдийн гол шагнал” болон “Өсвөрийн шүүгчдийн шагнал”-ыг тус тус хүртэж байсан юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet