Эрдэнэт: 
Дархан: 
USD | 3525.51
EUR | 3817.42
CNY | 514.67
RUB | 46.32
JPY | 27.07
KRW | 2.73
Австралийн олимпын тамирчид 28 хоногийн хугацаатай тусгаарлагдахаар болжээ
Токиогоос Сидней хотоор дамжин, Өмнөд Австралид буцаж ирсэн Австралийн олимпын тамирчид 28 хоногийн хугацаатай давхар хорио цээрийн дэглэмд хамрагдахаар болжээ.
Тамирчид одоогоор тус улсын аяллын дүрмийн дагуу Сидней хотод хоёр долоо хоногийн хорио цээрийн дэглэмд хамрагдаж байна. Гэхдээ төрөлх Өмнөд Австрали муж руугаа үргэлжлүүлэн аялах гэж буй тамирчид улс хоорондын аяллын хязгаарлалтыг дагаж мөрдөх ёстой бөгөөд Өмнөд Австралийн нийслэл Аделаида хотод хоёр долоо хоногийн нэмэлт хорио цээрийн дэглэм барих шаардлагатай болох юм.
Лхагва гарагт хийсэн мэдэгдэлдээ Австралийн Олимпын Хороо (AOC)-ны гүйцэтгэх захирал Мэтт Кэрролл “Бусад улс орнууд тамирчдаа эргэн ирсэн баярыг тэмдэглэж байхад бид өөрсдийнхөө тамирчдад харгис, хайхрамжгүй хандаж байна. Тэд Олимпын наадамд эх орноо төлөөлж бахархалтайгаар оролцсоныхоо төлөө шийтгүүлж байна” гэжээ.
Австралийн Олимпын багийн бүрэлдэхүүний 56 гишүүн Өмнөд Австрали руу буцах бөгөөд тэдний 16 нь одоогоор Сиднейд хорио цээрийн дэглэмд байгаа бөгөөд бүх тамирчид вакцинд бүрэн хамрагдсан гэж AOC мэдээлэв. Мөн хорио цээрийн дэглэм нь “тамирчдын сэтгэцийн эрүүл мэндэд ихээхэн эрсдэл учруулдаг” гэж анхааруулсан байна.
Өмнөд Австралийн мужийн тэргүүн Стивен Маршалл пүрэв гарагт хийсэн хэвлэлийн бага хурал дээр нэмэлт хорио цээрийн дэглэм тогтоох нь “хатуу шийдвэр” байсан гээд “Гэхдээ бид Өмнөд Австралийг хамгаалахын тулд хатуу шийдвэр гаргах ёстой” гэжээ.
Австралийн баг 17 алт, долоон мөнгө, 22 хүрэл нийт 46 медаль хүртэж нийт дүнгээр Токио 2020 наадмын зургадугаар байрт бичигджээ.
Эх сурвалж: CNN
Хариулах