ОЛИМП

Норвегийн гандболын эмэгтэй багийн усны хувцас өмсөөгүй торгуулийг дуучин Pink төлөх санал ирүүлжээ

Норвегийн элсний гандболын эмэгтэй баг тэмцээний үеэр усны хувцас өмсөхийн оронд эрэгтэй багтай адил шорт өмссөний дараа тэдэнд торгууль оногдуулсан бөгөөд АНУ-ын поп од Pink торгуулийг нь тэдний өмнөөс төлөх санал ирүүлжээ.

Тэд өнгөрсөн долоо хоногт болсон Европын элсний гандболын аварга шалгаруулах тэмцээнд “зохисгүй хувцас” өмссөнийхөө төлөө 1500 еврогийн (1295 фунт) торгууль хүлээсэн юм.

Ням гарагт дуучин бүсгүй “Норвегийн элсний гандболын эмэгтэй баг тамирчид дүрэмт хувцасныхаа талаар хүйсээр ялгаварласан дүрмийг эсэргүүцэж байгаад би маш их бахархаж байна. Сайн байна бүсгүйчүүд ээ. Та нарын төлөө торгуулийг чинь төлөхөд би баяртай байх болно. Хичээгээд байгаарай” гэж твиттертээ жиргэжээ.

Европын гандболын холбооноос саяхан Болгар улсад болсон Испанийн шигшээ багтай хийсэн хүрэл медалийн төлөөх тоглолтын үеэр багийн тоглогчдын өмссөн богино өмд “тамирчдын дүрэмт хувцасны журамд нийцээгүй” тул торгууль ногдуулсан гэж мэдэгдээд байгаа юм.

Норвегийн Соёл, спортын яамны сайд Абид Ража үүнийг “инээдэмтэй” гэж тодорхойлсон бол теннисний аварга асан Билли Жан Кинг “эмэгтэй тамирчдын хүйсийн ялгаварлалтыг зогсоох ёстой” гэж жиргэжээ.

Бат их сургуулийн гандболын клубээс торгуулийг “хэрээс хэтэрсэн” гэж мэдэгдээд, усны хувцасны талаарх дүрэм журам нь эмэгтэйчүүдийг энэ спортоор хичээллэхээс татгалзахад хүргэж байгааг онцолжээ.

Эх сурвалж: BBC

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet