Аюулт үзэгдэл, ослын тохиолдол 2024 оны эхний улирлын байдлаар 1352 удаа бүртгэгджээ

Аюулт үзэгдэл, ослын тохиолдол 2024 оны эхний улирлын байдлаар 1352 удаа  бүртгэгдэж, өмнөх оны мөн үеэс 265 (24.4%)-аар өссөн байна. Тохиолдсон аюулт үзэгдэл, осолд 2024 оны эхний улирлын байдлаар нийт 2498 хүн нэрвэгдсэн байна.

Тохиолдсон аюулт үзэгдэл, ослыг төрлөөр авч үзвэл:

- ус, цаг уурын гаралтай аюулт үзэгдэл 110удаа,

- геологийн гаралтай аюулт үзэгдэл 27 удаа, 

- биологийн гаралтай аюулт үзэгдэл 29 удаа, 

- хүний үйл ажиллагаатай холбоотой осол 1186 удаа тус тус бүртгэгдсэн байна.

Аюулт үзэгдэл: Хүчтэй цасан болон шороон шуурга, ган, зуд, үер, аянга, газар хөдлөлт, гал түймэр, хүн, мал, амьтны гоц халдварт өвчин гарах, хортон шавж, мэрэгч тархах зэргийг хэлнэ.

Гамшиг: Аюулт үзэгдэл, ослын улмаас олон хүний амь нас, эрүүл мэнд хохирох, мал, амьтан олноор хорогдох, эд хөрөнгө, түүх, соёлын дурсгалт зүйл, хүрээлэн байгаа орчинд улс болон орон нутгийн эдийн засаг, нийгмийн дотоод нөөц, боломжоос давсан хохирол учрахыг хэлнэ.