Жоншны бичил уурхайд татлага тасарсаны улмаас хүний амь хохирлоо

Хэнтий аймгийн нутаг дэвсгэрт орших жоншны бичил уурхайд өчигдөр хүн амиа алджээ.

Тодруулбал, тус аймгийн төвөөс зүүн хойд зүгт 130 километрт орших Баян-Адарга сумын Хөлийн холбоо гэх газар иргэн Г-гийн эзэмшлийн жонш олборлодог бичил уурхайд 30 настай, эрэгтэй иргэн Б-ын татлага нь тасарч, 40 метрийн гүнд унаж, нас барсан тухай дуудлагыг өчигдөр 16:44 цагт Онцгой байдлын газар хүлээн авсан байна.

Дуудлагын дагуу тус аймгийн Онцгой байдлын газрын Гал түймэр унтраах, аврах 42 дугаар ангийн алба хаагчид 20:31 цагт очиж хоёр цаг гаруй ажиллаж цогцсыг гарган аймгийн Шүүхийн шинжилгээний албанд шилжүүлэн өгчээ.

Эх сурвалж: ОБЕГ

Falsified Medications Are A Huge Global Problem