ТҮҮХЭН ОЙ

100 жилийн өмнөх энэ өдөр Засгийн газрын Анхдугаар хуралдаан болж байв

Монгол Улсын Засгийн газрын ээлжит хуралдаан 100 жилийн дараа мөн өдрөө болж, цаг хугацааны хувьд давхцал болсон байна. Монгол Улсын Засгийн газрын ээлжит хуралдаан долоо хоног бүрийн Лхагва гарагт болдог. Энэ дагуу Л.Оюун-Эрдэнийн тэргүүлсэн Засгийн газар 41 дүгээр ээлжит хурлаа 2021 оны долдугаар сарын 7-ны Лхагва гаригт хийсэн билээ.

Тэгвэл 100 жилийн өмнөх мөн өдөр Ардын Засгийн газар Анхдугаар хуралдаанаа хийж байсан нь түүхийн хуудаснаа тэмдэглэгдэн үлджээ.  

No description available.

Тодруулбал Засгийн газрын төв архивт хадгалагддаг цор ганц архивын эх баримтаас үзвэл “Ардын Засгийн газрын Анхдугаар хуралдаан” олноо өргөгдсөний 11-р оны зургаадугаар сарын шинийн хоёрон буюу аргын тооллын 1921 оны долдугаар сарын 7-ны өдөр болжээ.

No description available.
No description available.

Эл өдөр Монгол Ардын Засгийн хэргийг түр захиран шийтгэх газрын тэргүүлэгч нар зөвлөлдөн тогтоосон нь хэмээн:

  • Цагаан намын сууж байсан хашаа байшинг битүүмжилж, харуул цэрэг гаргах
  • Гурван баян гэдэг газарт цагаан цэргүүдийн зэвсгийг хураан авч ирүүлэхээр мээрэн Галсангаар удирдуулсан 15 цэрэг томилов
  • Барон Унгерний орхисон морь, малыг нутгийн иргэдээс асуун, сураглаж, хаана байгааг тогтоон тодорхойлох үүргийг мөн мээрэн Галсанд тохоох
  • Ерөнхий сайд Бодоогоос бичиг явуулж таван яамны албан хаагчдын тэргүүн нарыг тохоон томилох
  • Хүрээний газар хичнээн зэр зэвсэг байгааг тоолж, тогтоохыг Бүх цэргийн жанжин Сүхбаатарт үүрэг болгов зэрэг 9 асуудал хэлэлцэн тогтоосныг тус тэмдэглэлд бичиж үлдээжээ.

Улмаар хуралдааны тэмдэглэлийн төгсгөлд :

  • Ерөнхий сайд БОДОО
  • Төв хорооны дарга ДАНЗАН
  • Бүх цэргийн жанжин СҮХБААТАР
  • Засгийн газрын зөвлөгч, нарийн бичгийн дарга БАТХААН хэмээн тэмдэглэсэн байна.

Ардын Засгийн газрын Анхдугаар хуралдаанаас хойшхи 100 жилийн дараах Засгийн газрын ээлжит хуралдаан долдугаар сарын 7- ны  өдөр тохиосон нь цаг хугацааны гайхалтай ховор содон учрал юм.

No description available.
Д.Болор-Эрдэнэ ЗГХЭГ-ын Архив, нууц, албан хэрэг хөтлөлтийн хэлтсийн дарга








Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet