COVID-19

Энэтхэгт 2500 хүн хуурамч вакцины золиос болжээ

Энэтхэгийн Нью Дели хотод олон мянган иргэн коронавирусийн хуурамч вакцины золиос болсныг эрх баригчид мэдээлэв. Уг луйврын хэрэгт эмч, эмнэлгийн ажилтнууд оролцжээ.

Тус улсын баруун хэсгийн Махараштра мужийн санхүүгийн төв болох Мумбайд, мөн түүний ойролцоох газруудад хамгийн багадаа 12 удаагийн хуурамч вакцинжуулалтын ажлыг зохион байгуулсан болохыг Мумбай хотын цагдаагийн газрын ахлах албан тушаалтан Вишал Такур мэдэгдэв.

“Хуурамч вакцинжуулалтын газруудад давсны уусмалыг хүмүүст тарьж байсан”

Ойролцоогоор 2500 хүн тус залилангийн хохирогч болсон бөгөөд зохион байгуулагчид нь хохирогчдоос нийтдээ 28,000 ам.долларын төлбөр авчээ. Одоогийн байдлаар зохион байгуулагчдаас гадна эмч, эмнэлгийн ажилтнууд зэрэг 14 хүнийг залилан мэхлэх, аллага хийхийг завдах, эрүүгийн хуйвалдаан болон бусад хэрэгт сэжиглэн баривчилсан байна. Цагдаа нар залилангийн хэрэгт холбогдсон бусад хүмүүсийг үргэлжлүүлэн шалгаж байгаа тул баривчлах ажиллагаа нэмэгдэж магадгүй талаар цагдаагийн газраас мэдэгдэв.


Эх сурвалж: edition.cnn.com

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet