НОБГ: Гал түймэрт өртөж хоёр иргэн нас барж, нэг иргэн угаартан, нэг иргэн түлэгдсэн тохиолдол бүртгэгдлээ

Гэрэл зургийг MPA.mn

Нийслэлийн хэмжээнд өнгөрсөн долоо хоногт аюулт үзэгдэл, ослын 45 дуудлагаар алба хаагчид 12 том хүн, 2 хүүхдийн эрүүл мэнд, амь нас, 1 тэрбум 689 сая төгрөгийн өмч хөрөнгийг авран хамгаалж ажиллалаа. 
Гал түймэрт өртөж хоёр иргэн нас барж, 1 иргэн угаартан, нэг иргэн түлэгдсэн тохиолдол бүртгэгдлээ. 

Гал түймэр өнгөрөгч хоногт: 
- Хувийн өмчид гарсан: Улаанбаатар хот, Хан-Уул дүүрэг 10 дугаар хороо, Морингийн задгай байшин шатаж байна гэсэн дуудлагыг 01.21-ний өдрийн 08:24 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 30 дугаар ангийн алба хаагчдыг очиход 4х5 метрийн хэмжээтэй зөөврийн байшин шатаж байсныг ажиллаж унтраасан.   

Улаанбаатар хот, Баянзүрх дүүрэг 19 дүгээр хороо, Цайзын 15 дугаар гудамжинд байшин, гарааш шатаж байна гэсэн дуудлагыг 01.21-ний өдрийн 17:56 цагт хүлээн авсан. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчдыг очиход  иргэн У-ын 6х12 метрийн хэмжээтэй гараашийн дээвэр, 8х12 метрийн хэмжээтэй байшингийн дээвэр болон эд хогшил шатаж байсныг ажиллаж унтраасан. 

Улаанбаатар хот, Чингэлтэй дүүрэг 17 дугаар хороо, Сургуулийн 76 дугаар гудамжинд байшин шатаж байна гэсэн дуудлагыг 01.21-ний өдрийн 23:08 цагт хүлээн авсан. Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчдыг очиход иргэн Ш-ын 3х6 метрийн хэмжээтэй байшингийн дээврийн хэсэг шатаж байсныг ажиллаж унтраасан.

Гал түймрийн аюулаас эрүүл мэнд, амь насаа хамгаалж, аюулгүй байдлаа хангахыг онцгойлон анхааруулж байна.