USD | 3368
EUR | 3543
CNY | 462.4
RUB | 33.25
JPY | 21.54
KRW | 2.33
Дайн энэ хэвээр үргэлжилбэл Украины төрт ёсны байдал эрсдэлд орно гэж Путин анхааруулав
Хэрэв дайн энэ хэвээр үргэлжилбэл Украины төрт ёсны байдал “нөхөж баршгүй цохилт” авч магадгүй бөгөөд Орос улс хэзээ ч эзэлсэн газар нутгаа орхихгүй гэж Оросын Ерөнхийлөгч Владимир Путин мягмар гарагт мэдэгдэв.
Швейцар улс Украины Ерөнхийлөгч Володимир Зеленьскийн хүсэлтээр Украины асуудлаарх дэлхийн энх тайвны дээд хэмжээний уулзалтыг зохион байгуулахыг зөвшөөрсний дараа Путин телевизээр уг тайлбарыг хийжээ.
Энэ үеэр барууны орнууд болон Украинд яригдаж буй “энх тайвны томьёолол”-ыг Путин үгүйсгэв.
“Хэрэв тэд хэлэлцээр хийхийг хүсэхгүй байгаа бол тэгж л байг! Украины сөрөг довтолгоо бүтэлгүйтээд зогсохгүй санаачилга бүрэн Оросын зэвсэгт хүчний гарт байгаа нь илт харагдаж байна. Хэрэв энэ хэвээр үргэлжилбэл Украины төрт улс нөхөж баршгүй, маш ноцтой цохилтыг амсаж магадгүй юм”
Сүүлийн саруудад Украины сөрөг довтолгоо Оросын хүчний эсрэг дорвитой амжилт гаргаж чадаагүй тул Путиний дайны явцын талаарх мэдэгдэл улам бүр итгэлтэй, түрэмгий болж байна.
Одоогийн байдлаар Украины нутаг дэвсгэрийн 17.5 хувийг Орос хяналтдаа байлгаж байна.
Хэлэлцээрийн тухай яриа бол “Бидний сүүлийн жил хагасын хугацаанд олж авсан ололт амжилтыг орхиход түлхэц өгөх гэсэн оролдлого юм. Гэхдээ энэ нь боломжгүй зүйл. Энэ боломжгүй гэдгийг бүгд ойлгож байгаа” гэж Путин цааш нь хэлэв.
Зеленьскийн дэвшүүлсэн энх тайвны томьёололд Украины нутаг дэвсгэрийн бүрэн бүтэн байдлыг сэргээх, байлдааны ажиллагааг зогсоох, Оросын цэргийг гаргах болон бусад зүйл багтсан байна.
Харин Орос ямар ч тохиолдолд хэлэлцээр хийхдээ фронтод бий болсон “шинэ бодит байдлыг” харгалзан үзэх ёстой гэж Орос үзэж байна.
Эх сурвалж: Reuters
Хэрэв дайн энэ хэвээр үргэлжилбэл Украины төрт ёсны байдал “нөхөж баршгүй цохилт” авч магадгүй бөгөөд Орос улс хэзээ ч эзэлсэн газар нутгаа орхихгүй гэж Оросын Ерөнхийлөгч Владимир Путин мягмар гарагт мэдэгдэв.
Швейцар улс Украины Ерөнхийлөгч Володимир Зеленьскийн хүсэлтээр Украины асуудлаарх дэлхийн энх тайвны дээд хэмжээний уулзалтыг зохион байгуулахыг зөвшөөрсний дараа Путин телевизээр уг тайлбарыг хийжээ.
Энэ үеэр барууны орнууд болон Украинд яригдаж буй “энх тайвны томьёолол”-ыг Путин үгүйсгэв.
“Хэрэв тэд хэлэлцээр хийхийг хүсэхгүй байгаа бол тэгж л байг! Украины сөрөг довтолгоо бүтэлгүйтээд зогсохгүй санаачилга бүрэн Оросын зэвсэгт хүчний гарт байгаа нь илт харагдаж байна. Хэрэв энэ хэвээр үргэлжилбэл Украины төрт улс нөхөж баршгүй, маш ноцтой цохилтыг амсаж магадгүй юм”
Сүүлийн саруудад Украины сөрөг довтолгоо Оросын хүчний эсрэг дорвитой амжилт гаргаж чадаагүй тул Путиний дайны явцын талаарх мэдэгдэл улам бүр итгэлтэй, түрэмгий болж байна.
Одоогийн байдлаар Украины нутаг дэвсгэрийн 17.5 хувийг Орос хяналтдаа байлгаж байна.
Хэлэлцээрийн тухай яриа бол “Бидний сүүлийн жил хагасын хугацаанд олж авсан ололт амжилтыг орхиход түлхэц өгөх гэсэн оролдлого юм. Гэхдээ энэ нь боломжгүй зүйл. Энэ боломжгүй гэдгийг бүгд ойлгож байгаа” гэж Путин цааш нь хэлэв.
Зеленьскийн дэвшүүлсэн энх тайвны томьёололд Украины нутаг дэвсгэрийн бүрэн бүтэн байдлыг сэргээх, байлдааны ажиллагааг зогсоох, Оросын цэргийг гаргах болон бусад зүйл багтсан байна.
Харин Орос ямар ч тохиолдолд хэлэлцээр хийхдээ фронтод бий болсон “шинэ бодит байдлыг” харгалзан үзэх ёстой гэж Орос үзэж байна.
Эх сурвалж: Reuters
#Владимир Путин, #ОРос, #Украины дайн,
Санал болгох
Дээш