11.24: 11 хүн эндэж, халдварын 634 шинэ тохиолдол бүртгэгдлээ

КОРОНАВИРУСТ ХАЛДВАР (COVID-19)-ЫН НӨХЦӨЛ БАЙДЛЫН МЭДЭЭ /2021.11.24/

Сүүлийн 24 цагт халдварын 634 шинэ тохиолдол бүртгэгдэж, 11 хүн нас барлаа. Тохиолдлуудын 342 нь Улаанбаатар хотод, 292 нь орон нутагт батлагджээ. 7,378 хүн эмнэлэгт хэвтэн эмчлүүлж байгаагийн 1,439 нь хүүхэд бол 228 нь жирэмсэн эх байна гэж ЭМЯ-наас мэдээллээ.

Халдвар авсан иргэдийн,

1. 2,961 хүний биеийн байдал хөнгөн,
2. 3,379 хүний биеийн байдал хүндэвтэр,
3. 887 хүний биеийн байдал хүнд,
4. 151 хүний биеийн байдал нэн хүнд байна.

Өнөөдрийн байдлаар халдвараас шалтгаалсан нас баралтын нийт тоо 1,896 болсон бол гэрийн ажиглалтад 14,692 хүн байгаа аж. Сүүлийн 24 цагт нас барсан иргэдийн тав нь эмэгтэй бол зургаа нь эрэгтэй хүн байжээ.

Мөн 2,259,157 хүн вакцины I тунд, 2,148,206 хүн вакцины II тунд, 589,315 хүн III тунд хамрагджээ.