Live
COVID-19

Энэ сарын 10-наас эхлэн 15 хоног бүх нийтийн бэлэн байдлын зэрэгт шилжинэ

ЭМЯ-наас энэ сарын 10-наас эхлэн 21-28 хоногийн хатуу дэглэм тогтоох зайлшгүй шаардлага байгааг УОК-т уламжилж, тус асуудлыг УОК өчигдөр Засгийн газрын хуралдаанд оруулаад дэмжигдээгүй билээ.

Тэгвэл өнөөдөр Засгийн газар ээлжит бусаар хуралдаж, хатуу дэглэм тогтоох асуудлыг хэлэлцсэн байна. Хуралдаанаас гарсан шийдвэрийг яг одоо танилцуулж байна. Тодруулбал, ирэх бямба гарагаас Бүх нийтийн бэлэн байдлын зэрэгт шилжихээр болжээ.

Ингэснээр тавдугаар сарын 1 гэхэд нийслэлийн насанд хүрсэн бүх иргэнийг вакцины эхний тунд хамруулна. 50-иас доошгүй хувийг хоёр дахь тунд хамруулна. Хөл хорионы гол зорилго нь халдвараас үүдэлтэй нас баралт, хүндрэлийг хязгаарлах тул иргэн бүр вакциндаа хамрагдаж, халдвар хамгааллын дэглэмээ сайтар баримтлахыг уламжиллаа.

Сангийн сайд Б.Жавхлан Монгол Улсын иргэн тус бүрд 300 мянган төгрөгийг өнөөдрөөс олгож эхэлнэ гэж мэдээллээ. Санхүүжилтийг Төрийн санд төвлөрсөн нэг их наяд 26.5 тэрбум төгрөгөөс олгох аж.

Ерөнхий сайд Л.Оюун-Эрдэнэ:

-Монгол Улсын Засгийн газар 4, 5 дугаар сарыг вакцинжуулалтын сар болгож, 500 гаруй мянган хүнийг хамруулаад байна. Бид Азидаа дээгүүрт орж, вакцин үйлдвэрлэгч орнуудын араас явж байгаа.

Вакцины хэлэлцээр амжилттай болсон гэдгийг мэдэгдэх нь зүйтэй. Татан авалт хийгдэнэ. Одоо эхний тунг хийгээд, хоёр дахь тунгийн ээлж ирж байна. Энэ нь эрүүл мэндийн салбарт нэлээд ачаалал ирж байна. Эхний тунг хийснээс хойш хэсэг хугацааны дараа дархлаа тогтоно гэдгийг гойд анхаармаар байна. Вакцинжуулалтыг үр дүнд хүргэх зорилгоор 15 хоногийн улаан түвшиний дэглэмд шилжиж байна” гэлээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet