ДЭЛХИЙН МЭДЭЭ

Флоридад цацраг идэвхт ус алдагдаж магадгүй тул онц байдал зарлав

АНУ-ын Флорида мужид цацраг идэвхт ус алдагдах аюул нүүрлэсэн тул онц байдал зарлаад буйг “Нью-Йорк Таймс” мэдээлжээ. Тампа булангийн ойролцоох цацраг идэвхт, бохир ус хадгалсан санд цууралт үүсч, улмаар задрахад ойртоод буйг мэргэжилтнүүд онцолж байна.

Фосфоритын уурхайд ашиглаж байсан цацраг идэвхт фосфогипстэй 1.5 тэрбум литр бохир ус энэ санд хадгалагдаж байгаа юм. Усан сан задарч, ойр орчим нь усанд автвал хүний эрүүл мэнд, амь нас хохирох тул зэргэлдээ тосгон, суурингийн оршин суугчдыг нүүлгэн шилжүүлэхэд хүрээд буй.

Усан сангийн цуурхайг бөглөж, ус алдахыг тогтоохоор мэргэжилтнүүд ажиллаж буй ч төдийлэн амжилт олсонгүй. Усан сангийн хананд ирж буй даралтыг бууруулахын тулд усыг нь Тампа булан руу юүлэх асуудлыг ч хэлэлцэж эхэлжээ.

Гэхдээ бохир ус алдагдсан, булангийн ус руу юүлсэн аль ч тохиолдолд байгаль орчинд ноцтой хохирол учруулна гэдгийг мэргэжилтнүүд анхаарууллаа.

Эх сурвалж: Нью-Йорк Таймс

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet