12.30: Зөөвөрлөгдсөн 11, дотоодын халдварын 105 тохиолдол батлагдаж, нэг иргэн эндлээ

КОРОНАВИРУСТ ХАЛДВАР (COVID-19)-ЫН НӨХЦӨЛ БАЙДЛЫН МЭДЭЭ /2021.12.30/

Сүүлийн 24 цагт халдварын 116 шинэ тохиолдол бүртгэгдэж, нэг хүн нас барлаа. Тохиолдлуудын 11 нь зөөвөрлөгдсөн бол 73 нь Улаанбаатар хотод, 32 нь орон нутагт батлагджээ. 1,799 хүн эмнэлэгт хэвтэн эмчлүүлж байгаагийн 235 нь хүүхэд бол 100 нь жирэмсэн эх байна гэж ЭМЯ-наас мэдээллээ.

Халдвар авсан иргэдийн,

1. 694 хүний биеийн байдал хөнгөн,
2. 893 хүний биеийн байдал хүндэвтэр,
3. 187 хүний биеийн байдал хүнд,
4. 25 хүний биеийн байдал нэн хүнд байна.

Өнөөдрийн байдлаар халдвараас шалтгаалсан нас баралтын нийт тоо 1,985 болсон бол гэрийн ажиглалтад 3,180 хүн байгаа аж.

Мөн 2,265,984 хүн вакцины I тунд, 2,163,572 хүн вакцины II тунд, 909,738 хүн III тунд хамрагджээ.