ДЭЛХИЙН МЭДЭЭ

Калифорнид халдлага болж, дөрвөн хүн амиа алдав

АНУ-ын Калифорни мужийн өмнөд хэсгийн Оранж хотод гэмт этгээд гал нээсний улмаас насанд хүрсэн гурван хүн, нэг хүүхэд нас барсан бөгөөд бас нэгэн эмэгтэй хүнд шархдан, эмнэлэгт хүргэгдсэн байна.

Хотын Линкольны өргөн чөлөөн дэх оффисын барилгад  орон нутгийн цагаар 17:30 цагт буун дуу гарсан бөгөөд цагдаагийнхан хэргийн газар очсон байна. Гэмт этгээдийг ямар сэдлээр үйлдсэн зэрэг нарийн зүйлийг хууль сахиулагчид мэдэгдээгүй байгаа ч сэжигтнийг баривчилсан, тэрбээр мөн шархадсан гэсэн мэдээллийг өгчээ.

Ташрамд, өнгөрсөн гуравдугаар сарын байдлаар АНУ-д галт зэвсэг ашиглан хүний аминд халдсан хэргүүд дараалан гарч, 18 хүн амиа алдсан. Тодруулбал, Жоржия мужийн Атланта хотод ази гаралтай иргэдийн спа-салон, иллэгний газар руу зэвсэгт этгээд халдсаны улмаас найман хүн амиа алдсан бол мөн тухайн долоо хоногт Колорадогийн хүнсний дэлгүүрт 10 хүний аминд хүрсэн халдлага гарсан билээ.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet