ХҮҮХЭД

Зайны сургалт ба ЭЦЭГ, ЭХЭД өгөх зөвлөгөө

Цар тахлын улмаас хөл хорьж, дэлхий нийтээр боловсролын байгууллагууд цахим сургалтад шилжсэн нь бидний хувьд шинэ зүйл байв. Зайны, цахим сургалтын үеэр хүүхэдтэйгээ хэрхэн ажиллах, юу анхаарах тухай зөвлөгөөг хүргэж байна.

НЭГ

Хүлээн зөвшөөр. Алсын зайны, цахим сургалт танд ч, таны хүүхдэд ч нэгэн сонирхолтой туршлага болж үлдэнэ гэдгийг хүлээн зөвшөөр. Суралцах явц сургуулийн хүрээнд бус, гэрт тань, таны дэргэд өрнөж буй энэ цаг үед хүүхдийнхээ юунд дуртай, ямар арга барилаар сурдаг, сурахад нь ямар бэрхшээл тулгарч буйг нүдээр үзэх ховорхон боломж энэ болж байна.

ХОЁР

Хамтдаа суралц. Цахимсургалтын үеэр та ч мэдлэгээ нэмэх, бататгах боломжтой. Олон эцэг эхчүүдийн хувьд хүүхэдтэйгээ хамт суралцах, танин мэдэх боломжийг цахим сургалт өгч байна. Ингэхийн тулд та ажил, зорилгоо төлөвлөх, шинэ арга барилыг өөртөө хэвшүүлэх, интернэт орчинд хайлт хийх, сургалтын шинэ хөтөлбөр, аппликэшн ашиглаж сурах хэрэгтэй болно.

ГУРАВ

Ажигла. Цахим хичээлийн үеэр хүүхдээ сайтар ажигла. Шүүмжлэлгүйгээр, сатааруулахгүйгээр зүгээр л ажигла. Хүүхэд тань өдрийн аль цагт илүү бүтээмжтэй байна вэ, юунаас урам зориг авч байна вэ, шантрах, сэтгэлээр унах үе байна уу, бусад хүүхэд, багштайгаа хэрхэн харилцаж байна вэ, өөрийгөө яаж илэрхийлж байна вэ?Энэ асуултын хариуг та хүүхдээ ажигласнаар олж авна.

ДӨРӨВ

Турш. Сургалтынуламжлалт хөтөлбөр, хэвшмэл арга барилаас өөр шинэ зүйл туршиж үзэх боломжийг олго. Хүүхдийнхээ зан авир, хэвшил, сэтгэл зүй, насны онцлогт тохирсон арга барилыг энэ үеэр турших, шинэ зүйл хийж үзэхэд нь дэмжээрэй.

ТАВ

Харилцаагаа сайжруул. Хамтдаа суралц,хамтдаа завсарлага авч, хүчээ хамтдаа сэлбэ. Зайны болон цахим сургалтын үед хүүхэддээ амрах, хичээлээс түр холдож, завсарлага авах боломжийг эцэг эхчүүд олгож чадна.Үүний зэрэгцээ сурах үйл явц хүүхдэд ямар ачаалал өгдөгийг ч та нүдээр харах тул загнах, зэмлэхийн оронд дэмжих, харилцахыг сонгоорой. Хүүхэдтэйгээ илэн далангүй, итгэлцэл дээр суурилсан, нөхөрсөг харилцааг бий болгосноор тэдний сэтгэл зүйд том хөрөнгө оруулалт хийж, өөртөө итгэлтэй, өөдрөг, стресс, бэрхшээлийг давж гарах сэтгэлийн хаттай хүн болгон төлөвшүүлнэ.

Эх сурвалж: life.nv.ua

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet