ХҮҮХЭД

Сургуулийн орчин дахь гадуурхал, доромжлолд өртдөг хүүхдүүд жин нэмдэг байна

Сургуулийн орчинд хүчирхийлэлд өртөж, шоолуулдаг, доромжлуулдаг хүүхдүүд жин нэмэх хандлагатай байдгийг Канадын эрдэмтэд мэдэгдлээ. Ватерлоогийн их сургуулийн судлаачид Онтарио хотын 4500 сурагчийг сүүлийн гурван жилийн турш судалж, биеийн жингийнх нь индексийг ажиглажээ.

“Хүүхдүүд гадуурхалд өртсөн эхний жилдээ л жин нэмэх эрсдэл өндөр. Гадуурхал, доромжлол намжсан ч хүүхдүүд буцаж турахгүй, илүүдэл жинтэй хэвээр байна” гэж судалгааны багийн ахлагч Нур Хаммами мэдэгдсэн байна.

Сургуулийн орчиндоо хүчирхийлэл, доромжлолтой нүүр тулдаг хөвгүүдийн 60 хувь, охидын 51 хувь нь илүүдэл жинтэй болж, таргалж байгааг эрдэмтэд тодруулсан байна. Доромжлол, гадуурхалд их өртдөг хүүхдүүдийн хөдөлгөөн хэвийн, бие бялдрын өсөлт сайн ч хэтрүүлэн иддэг, архи, тамхи хэрэглэх нь олонтаа байгааг судлаачид онцолж буй.

Эх сурвалж: WB Kids

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet