ДЭЛХИЙН МЭДЭЭ

Египетэд галт тэрэг мөргөлдсөний улмаас 32 хүн амиа алдав

Египетийн нийслэл Каираас өмнө зүгт 365 км зайд, Тахта хотын ойролцоо хоёр галт тэрэг мөргөлдсөнийулмаас одоогоор 32 хүн амиа алдаж, 91 хүн гэмтэж бэртсэн тухай тус улсын Эрүүл мэндийн яам мэдээллээ. Ослын үеэр гэмтэж бэртсэн иргэдийг ойролцоох хот, суурингийн эмнэлэгт хүргэж, тусламж үйлчилгээ үзүүлж байна.

Мэргэжилтнүүдийн урьдчилан таамаглаж буйгаар, галт тэрэгний тоормозыг хэн нэгэн дарж зогсоосон бөгөөд энэ үеэр мөн чиглэлд явсан өөр галт тэрэг ирж мөргөснөөр осол гарсан байна.

Осол болсон газарт хууль сахиулагчид очиж мөрдөх ажиллагааг эхлүүлсэн тухай прокурорын газраас мэдээлээд байгаа юм.  Египетийн Ерөнхийлөгч Абдель Фаттах аль-Сиси ослын үеэр амиа алдсан хүмүүсийн гэр бүл, ойр дотнынхонд эмгэнэл илэрхийлж, ослын буруутныг илрүүлэн, зохих шийтгэлийг оноохоо мэдэгдлээ.

Египетийн төмөр замын сүлжээ бүс нутагтаа хамгийн эртнийхэд тооцогдох бөгөөд осол гарах нь цөөнгүй. Тухайлбал, 2002 онд галт тэргэнд түймэр гарсны улмаас 360 хүн нас барсан эмгэнэлт явдал гарсан бол 2012 онд Манфалут хотод галт тэрэг сургуулийн автобустай мөргөлдөж, 51 хүүхэд, хүн эндсэн юм.

Эх сурвалж: Ройтерс 

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet