newswire

Стив Жобсын ажлын маягтыг 222 мянган ам.доллароор худалджээ

“Эппл” компанийг үүсгэн байгуулагч Стив Жобс ажилд орохдоо бөглөсөн маягтыг  162 мянган фунт буюу 222 мянган ам.доллароор худалдсан тухай дуудлага худалдааны  “Чартерфильдс” товчоо мэдэгджээ.

Стив Жобс 1973 онд Орегон мужийн Портленд хотын Рид коллежээс гарсныхаа дараа ажилд орох энэ маягтыг өөрийн гараар бөглөж байсан аж. Түүнээс нэг жилийн дараа тэрбээр “Атари” компанид техникийн мэргэжилтнээр ажиллаж эхэлсэн бөгөөд 1976 онд “Эппл”-ийг үүсгэн байгуулсан билээ.

Стив Жобс ажилд орох хамгийн анхны маягтдаа ажлынхаа туршлагыг “компьютер болон тооцоолох машин дээр ажиллаж байсан” хэмээн тодорхойлсон байна.

Эх сурвалж: “Новости” агентлаг

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet