ДЭЛХИЙН МЭДЭЭ

Дэлхийн хэмжээнд жил бүр 1.6 сая ихэр хүүхэд төрдөг

Сүүлийн жилүүдэд дэлхий даяар ихэр хүүхэд төрөх нь нэмэгдэж байгааг судлаачид мэдэгдлээ. Одоо хорвоод мэндэлж буй 1000 хүүхэд тутамд 12 ихэр төрж байна. Гэтэл одоогоос 40 жилийн өмнө 1000 хүүхэд тутамд есөн ихэр төрдөг байжээ.

“Human Reproduction” сэтгүүлд мэдээлснээр, дэлхийн 165 оронд 2010-2015 онд төрсөн ихрүүдийн талаар мэргэжилтнүүд судалсан бөгөөд 112 оронд 1980–1985 онд төрсөн ихэр хүүхдийн талаарх мэдээллийг ч тэд цуглуулжээ. Дээрх улс орнуудын 74 хувьд нь төрсөн хүүхдүүдийн дунд эзлэх ихрүүдийн хувь дунджаар 10 хувиар нэмэгдсэн байна. Тэр дундаа Азид энэ үзүүлэлт 32 хувьд хүрсэн бол Умард Америкт 71 хувиар өссөн үзүүлэлттэй байжээ.

Дэлхийн хэмжээнд жил бүр 1.6 сая ихэр хүүхэд төрдөг. Сүүлийн жилүүдэд үр шилжүүлэн суулгах салбарт олон ахиц, дэвшил гарсан нь ихэр хүүхэд төрөхөд нөлөөлж байгааг мэргэжилтнүүд онцолж буй. Мөн бүсгүйчүүд хожуу хүүхэд төрүүлэх болсон нь ч үүнд нөлөөлж байгаа юм. Судлаачдын үзэж буйгаар, хожуу үеийн жирэмслэлт ихэр байх магадлал өндөр аж.

Эх сурвалж: Human Reproduction

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet