УЛААНБААТАР

Д.Сумъяабазар: Баянзүрх дүүргийн удирдлагууд ямар учраас 26 дугаар хорооны даргыг сольсон гэдгээ иргэдэд тодорхой хэл

Цахим орчинд “Баянзүрх дүүргийн 26 дугаар хорооны Засаг даргыг хөл хорио далимдуулж сольсон” гэх мэдээлэл олны анхаарлын төвд байгаад зогсохгүй тус хорооны иргэд эсэргүүцэл зарлаад байгаа. Үүнд Хотын дарга Д.Сумъяабазар дараах хариултыг өглөө.

Тэрбээр “Нийслэлийн Засаг дарга хорооны Засаг даргыг томилдог субъект биш. Баянзүрх дүүргийн удирдлагууд үүн дээр анхаар. Өвчин зовлонтой байгаа үед удирдах албан тушаалтнууд хүмүүстээ зөв ойлголт өг. Ямар учраас сольсон гэдгээ тодорхой мэдээллэх хэрэгтэй. Хүнд үед боловсон хүчний бодлогоор оролдох биш, бодлогоо нийлүүлж, иргэдтэйгээ үйл ажиллагаагаа уялдуулж, коронавирусийг богино хугацаанд хумьж, иргэдээ вакцинжуулах хэрэгтэй байна. Хотын иргэдийг яаралтай вакцинд хамруулж, Улаанбаатар хот шар бүс болж, нийгэм, эдийн засгийн амьдралаа шуурхай босгож ирэхгүй бол бид хүнд нөхцөлд байна” гэлээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet