ХҮҮХЭД

“Youtube”-ын бяцхан одод: ХАМГИЙН АЛДАРТАЙ ВЛОГЧИД

Одоогоос 20 жилийн өмнө Адам Контрас нэртэй эр блог руугаа бичлэг оруулснаар орчин цагийн хамгийн түгээмэл контентын нэг болох влог үүссэн аж. Видео контентын “YouTube” сувгийн хөгжил, ухаалаг гар утас, төхөөрөмж болон хурдтай интернэтийн хүртээмж сайжирснаар влог нь хүмүүсийн түүх, туршлага, амьдралын хэв мяаг, сонирхлоо бусадтай хуваалцах талбар болоод зогсохгүй олонд танигдах, мөнгө олох арга болжээ. 2018 оны байдлаар хамгийн их ашиг олсон влогчоор найман настай Райан хүү тодорсон бөгөөд 22 сая ам.долларыг сурталчилгаа, гэрээнээс олсон байна.

Итан (Ethan Gamer)

Их Британийн влогч, өдгөө 12 настай Итан 2.3 сая дагагчтай “Ethan Gamer” влогийг хөтөлдөг. Онлайн болон видео тоглоомуудын тухай үзүүлдэг влогийн хандалт нь нэг сард 33 сая орчим байдаг бөгөөд сардаа 36 мянган ам.долларын орлого олдог. Насандаа тохирсон, сонирхолтой тоглоомуудыг туршиж, энэ талаар хуваалцахын тулд  2013 онд ютуб сувагт нэгджээ.

Хейли

Одоо 10 настай Хейли гимнастик, бүжиг сонирхдог. Өдөр тутмынхаа амьдрал, сонирхол, аяллынхаа талаар бусадтай хуваалцдаг влогийг нь 1.2 сая хэрэглэгч дагадаг.  Сүүлийн таваг жилийн хугацаанд ютуб дэх түүний суваг 99 сая хандалт авч, сарын 38 мянган ам.долларын ашиг олдог болсон байна.

Жожо (Its Jojo Siwa)

Бүжиглэх, дуулах дуртай, 15 настай  Жожо Сивагийн ютуб суваг 8.3 сая дагагчтай. Түүний сувгийг сард 50 сая хүн үздэг бөгөөд сурталчилгаа, гэрээнээс 55 мянган ам.долларын ашиг олдог.

Эван (EvanTubeHD)

Бүх насныхан үзэхэд тохиромжтой, хөгжилтэй, сонирхолтой бичлэгүүдийг оруулдаг  настай Эваныг 6.5 сая хүн дагадаг. Сорил, туршилт хийдэг, шинэ бүтээгдэхүүн, тоглоом танилцуулдаг  гэхчилэн олон сэдвээр бичлэг хийдэг тэрбээр хоёр сувгаараа сард 110 мянган ам.долларын орлоготой “ажилладаг”.

Райан (Ryan’s World)

Тоглоом танилцуулах, шинжлэх ухааны туршилт хийх, дуулах, сорил гээд олон төрлийн сонирхолтой бичлэгүүдээрээ алдартай Райан хамгийн алдартай влогч хүүхдүүдийн нэг, хамгийн их ашиг олдог сувгуудын тоонд орно. 23.9 сая дагагчтай тэрбээр сурталчилгаа, бичлэгтээ ашигласан тоглоомуудаа асрамжийн газар, буяны байгууллагад хандивладаг.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet