ДЭЛХИЙН МЭДЭЭ

Венесуэл нэг сая боливарын дэвсгэрт гаргажээ

Венесуэл Улсын Төв банк нэг сая боливарын дэвсгэрт гаргажээ. Хамгийн өндөр дүнтэй энэхүү мөнгөн тэмдэгт албан ёсны ханшаар АНУ-ын 52 центтэй тэнцэж байна. 200 мянга, 500 мянга, нэг сая боливарын дэвсгэртийг гүйлгээнд оруулж байгаа нь үндэсний эдийн засгийн хэрэгцээг хангахад чиглэсэн гэж эрх баригчид мэдэгдэж буй.

Венесуэлийн эдийн засаг сүүлийн жилүүдэд ноцтой хямарч байгаа бөгөөд сөрөг хүчнийхэн үүнийг Ерөнхийлөгч Николас Мадурогийн засаглал, авлига газар авсантай холбон шүүмжилж байгаа бөгөөд эрх баригчид харин барууны орнуудын тавьсан хоригоос үүдсэн хямрал гэж мэдэгдэж байгаа юм.

Өнгөрсөн нэгдүгээр сарын байдлаар Венесуэлд инфляц 2600 хувьд хүрсэн бөгөөд иргэд хэрэглээндээ голчлон ам.доллар ашиглаж байгааг “Bloomberg” мэдээлсэн. Гэхдээ үндэсний мөнгөн тэмдэгт болох боливарыг нийтийн тээвэр, шатахуун худалдан авахад хэрэглэж байна. Ташрамд, ОУВС-гийн мэдээлж буйгаар, өнгөрсөн онд тус улсын ДНБ 25 хувиар унажээ.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet