ДЭЛХИЙН МЭДЭЭ

Цагдаад өвдөглүүлсний улмаас дахин нэг хүн нас баржээ

АНУ-ын Калифорни мужийн иргэнийг цагдаа нар саатуулах үедээ хүзүүн дээр нь өвдөглөн дарсны улмаас амьсгал нь боогдон нас барсан бас нэгэн тохиолдол гарчээ. “Los Angeles Times” мэдээлснээр, Калифорни мужийн Антиок хотод өнгөрсөн оны арванхоёрдугаар сарын 23-нд энэ хэрэг гарсан ч олон нийтэд одоо л мэдээлж буй аж.

30 настай, Анжело Кинтогийн гэр бүлийнхэн цагдаад дуудлага өгсөн бөгөөд хууль сахиулагчид түүнийг саатуулахдаа хүзүүн дээр нь өвдөглөн таван минутын турш дарснаас залуу ухаан алдаж, улмаас нас барсан гэнэ. Талийгаачийн гэр бүлийнхэн өнгөрсөн долоо хоногт шүүхэд нэхэмжлэл гаргаж, хууль сахиулагчдад хариуцлага тооцохыг хүссэн байна.

Өнгөрсөн оны тавдугаар сард Америкийн иргэн Жорж Флойдыг цагдаа нар баривчлахдаа мөн ийм арга хэрэглэснээр залуу олны нүдэн дээр, гудамжинд амьсгал хураасан. Болсон явдлын дүрс бичлэг цахим орчинд түгж, Америк даяар арьс өнгөөр ялгаварлан гадуурахыг эсэргүүцсэн “Black Lives Matter” хөдөлгөөн эхэлсэн билээ.

Эх сурвалж: Los Angeles Times

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet