Турк улс Орос, Украины талуудад Монтрегийн конвенцын заалтыг хүндэтгэхийг уриаллаа

Турк улс Украины дайнд оролцож буй талуудад Туркийн хоолойгоор дамжин Хар тэнгист гарах эрхийг хаасан тухай олон улсын гэрээг хүндэтгэхийг уриалж байна гэж Батлан хамгаалахын сайд Хулуси Акар мэдэгдэв.

НАТО-гийн холбоотон Турк нь Хар тэнгист Украин, Оростой хиллэдэг бөгөөд хоёр оронтой сайн харилцаатай байдаг. 1936 оны Монтрегийн конвенцын дагуу Анкара дайны үед тус хоолойгоор дамжин өнгөрөх тээврийг хязгаарлах эрхтэй юм.

Хоолойг хааснаар Хар тэнгис рүү нэвтрэх Оросын байлдааны хөлөг онгоцнуудыг хязгаарлах боломжтой болсон. Гэхдээ энэхүү гэрээгээр эх орондоо буцаж ирэх хөлөг онгоцнуудыг хязгаарлахгүй байна.

Даваа гарагт Батлан хамгаалахын сайд Хулуси Акар "Монтрег эвдэх эсвэл ямар нэгэн байдлаар статус квог тасалдуулах нь хэнд ч ашиггүй. Монтрег хадгалах нь ашиг тустай гэж бид харж байна. Монтрегийн зарчмыг баримтлах нь ашигтай гэдгийг бид бүх талуудад хэлж байгаа” гэж Засгийн газрын хуралдааны дараа сэтгүүлчдэд мэдэгдэв.

АНУ-ын Төрийн нарийн бичгийн дарга Антони Блинкен даваа гарагт утсаар ярихдаа Туркийн ГХЯ-ны Чавушоглуд хэлэлцээрийг хэрэгжүүлж байгаад талархаж буйгаа илэрхийлсэн гэж Төрийн департаментын хэвлэлийн төлөөлөгч Нед Прайс мэдэгдэв.

Одоогоор Оросын дөрвөн хөлөг онгоц Газар дундын тэнгисийг гатлахаар хүлээж байна.

Эх сурвалж: The Guardian