ДЭЛХИЙН МЭДЭЭ

Хөгжлийн бэрхшээлтэй иргэдийг сансарт нисгэнэ

Европын сансрын агентлаг (ESA) эхлээд сар руу, дараа нь Ангараг гариг руу илгээх экспедицийн бүрэлдэхүүнд 26 нисэгч шалгаруулж авахаар төлөвлөж байна. Чингэхдээ багийн бүрэлдэхүүнд эмэгтэйчүүд, хөгжлийн бэрхшээлтэй иргэдийг багтаахыг зорьж буй ажээ.

“The Guardian” мэдээлж буйгаар, тэд сүүлийн 11 жилийн хугацаанд анх удаа нисэгчтэй экспедицийг сансарт илгээх бөгөөд багийн гишүүдийг 2022 онд сонгож шалгаруулж дуусгах юм байна.

Сансарт ажиллах, судалгаа хийх хүсэлтэй хөгжлийн бэрхшээлтэй иргэдэд энэ боломжийг олгох технологийн дэвшил, шинжлэх ухааны нээлтийн цаг үед амьдарч буй гэдгийг Италийн одон орон судлаач Саманта Кристофоретти онцолжээ.

Сонгон шалгаруулалтад оролцох хүмүүст математик, инженер, компьютер болон байгалийн шинжлэх ухааны магистр зэрэгтэй, салбартаа гурван жил ажилласан туршлагатай, сэтгэлзүйн хувьд эрүүл, бэрхшээл сорилтыг давж гарахуйц байх гэсэн шаардлагуудыг тавьж байна.

Эх сурвалж: The Guardian

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet