ДЭЛХИЙН МЭДЭЭ

“Путиний ордон” киног үзсэн хүмүүсийн 17 хувь нь В.Путинд таагүй хандаж байна

ОХУ-ын сөрөг хүчний төлөөлөл Алексей Навальныйн бүтээсэн “Путиний ордон” нэртэй кино гарснаас хойш Ерөнхийлөгчийн нэр хүнд бага зэрэг унаж байгааг олон нийтийн дунд явуулсан санал асуулгаас харж болох нь.

“Левада” төвөөс явуулсан судалгаанаас харвал энэхүү киног үзсэн хүмүүсийн 17 хувь нь В.Путинийг дэмжихээ больж, таагүй хандах болсон байна.  “Путиний ордон” киног ОХУ-ын ард иргэдийн 26 хувь нь үзсэн бөгөөд 10 хувь нь киноны агуулгыг мэдэж байгаа гэсэн бол 32 хувь нь киноны талаар сонсож байснаа онцолжээ. Харин гуравны нэг буюу 31 орчим нь энэ киноны талаар юу ч мэдэхгүй гэж санал асуулгын үеэр хариулсан.

Үүний зэрэгцээ кино үзсэн, киноны талаар сонссон хүмүүсийн 77 хувь В.Путинд урьдын адил хандаж байгаа бол 17 хувь нь түүнд таагүй хандах болсноо илэрхийлсэн байна. Мөн киног үзсэн хүмүүсийн 33 хувь нь агуулгыг нь худал гэж бодож байна.

Нэгдүгээр сарын 19-нд цахим орчинд тавигдсан А.Навальныйн “Путиний ордон: Хамгийн том авлигын түүх” кинонд Хар тэнгисийн эрэгт, Геленжик хотоос холгүй орших 17 691 хавтгай метр талбайтай, 68 га газартай том эдлэн, харшийн тухай өгүүлэх бөгөөд В.Путинийг тойрон хүрээлэгчид түүнд энэхүү ордонг бэлэглэсэн тухай өгүүлжээ. Кремль энэхүү мэдээллийг ор үндэсгүй гэж мэдэгдсэн.

Эх: сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet