УЛС ТӨР

Багануурт баригдах цахилгаан станцын төслийн хэрэгжилтийг эрчимжүүлнэ

Монгол Улсын Шадар сайд С.Амарсайхан “Багануурын цахилгаан станц төсөл”-ийн концессын гэрээтэй холбоотой асуудлаар Эрчим хүчний сайд болон холбогдох албаныхантай уулзлаа. Багануур-Чойрын бүс буюу Дорноговь, Дундговь, Хэнтий аймгийн өсөн нэмэгдэх хэрэгцээг хангах эх үүсвэр хэрэгтэй байгаа бөгөөд аюулгүй, найдвартай ажиллагааны төлөвлөлтийг цаг алдалгүй хийх шаардлагатай байна.

May be an image of one or more people, people sitting, people standing and indoor

2017 оноос хойш тодорхой шалтгааны улмаас зогсонги байдалд орсон цахилгаан станцыг дөрвөн жилд багтаан барьж, 21 жил ашиглахаар анх гэрээнд тусгажээ. Орчин үеийн техник, технологид суурилсан станц жилд хоёр сая тонн нүүрс хэрэглэнэ гэсэн тооцоо гарсан. Энэ төсөл хэрэгжсэнээр 300 гаруй тогтмол ажлын байр, 2500 орчим ажлын байр шинээр бий болох юм.

May be a closeup of 1 person and indoor

Бэлтгэл ажил бүрэн хангагдсан, үндсэн тоног төхөөрөмжийг гэрээ байгуулж оруулж ирэхээр төлөвлөсөн байна. Монгол Улсын Шадар сайд С.Амарсайхан “Сүүлийн үеийн дэвшилтэт технологид суурилсан, хүний эрүүл мэнд, байгаль орчинд хор нөлөөгүй, бүс нутгийн эдийн засаг, нийгэмд томоохон үр өгөөж өгөх, ажлын байр олноор бий болгох энэ мэт төсөл, хөтөлбөрийг Засгийн газар бүх талаар дэмжинэ. Улс хоорондын хамтын ажиллагааг өргөжүүлэх, харилцан ашигтай ажиллах энэ төсөлтэй холбоотой хэлэлцээрийг эрчимжүүлнэ” гэлээ гэж Шадар сайдын ажлын албанаас мэдээллээ.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet