ДЭЛХИЙН МЭДЭЭ

АНУ гей сайдтай боллоо

Олон нийтэд ижил хүйстэн гэдгээ зарласан, Ардчилсан намын гишүүн Пит Буттижич АНУ-ын анхны гей сайд болж байна. Америкийн Төрийн тэргүүн Жо Байден түүнийг Тээврийн сайдад нэр дэвшүүлж, Сенат энэ саналыг дэмжсэн аж.

Ардчилсан намаас Ерөнхийлөгчид нэр дэвшихийн төлөө Жо Байдентай өрсөлдөж байсан Пит Буттижич дэд ерөнхийлөгч Камала Харрисын хамтаар тангаргаа өргөж, албан ажлаа хүлээн авсан тухай AP мэдээллээ. Ингэснээр Пит Буттижич ижил хүйстэн гэдгээ нээлттэй зарласан анхны сайд болж буй.

Үүнээс өмнө Жо Байден Эрүүл мэндийн сайдын туслахын албан тушаалд эрэгтэй төрсөн ч хүйсээ солиулан эмэгтэй болсон трансжендер Рейчел Левайны нэрийг дэвшүүлсэн. Энэ саналыг Сенат батлавал тэрбээр холбооны улсын хэмжээнд ийм албан тушаал хаших анхны трансжендер хүн болох юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet