ДЭЛХИЙН МЭДЭЭ

Вашингтон Мьянмарт тавьсан хоригоо сэргээж магадгүй

Мьянмарт болж буй үйл явдал, тодруулбал цэргийн эргэлт, Ерөнхийлөгч тэргүүтэй улстөрчдийг баривчилсаныг АНУ шүүмжилж хоригоо сэргээж магадгүй хэмээн мэдэгджээ. Америкийн Төрийн тэргүүн Жо Байден “Мьянмар ардчиллын замаар замнаж буй тул АНУ хоригоо цуцалж байсан. Гэтэл одоо энэ үйл явцыг таслан зогсоох оролдлого хийж буй тул бид хориг арга хэмжээ авах боломжтой эсэхийг хэлэлцэнэ” гэж Цагаан ордны цахим хуудсанд нийтлэгдсэн мэдэгдэлдээ онцолжээ.

Цэргийн эргэлт, Төрийн тэргүүн болон Аун Сан Су Чи нарыг баривчилж хорьсон нь ардчилллыг боомилж буй явдал гэж АНУ үзэж байна. Түүнчлэн эрх баригчид, идэвхтнүүдийг даруй суллуулахыг тулд олон улсын байгууллага ч нэгдэж, цэргийнхэнд шаардлага тавих ёстой гэж Жо Байден мэдэгдлээ.

2020 оны арваннэгдүгээр сарын 8-нд болсон парламентын сонгуулийн дүнг цэрэг, зэвсэгт хүчнийхэн будлиантай гэж үзэж буйгаа илэрхийлсэн байжээ. Энэ сарын 1-нд зэвсэгт хүчнийхэн төрийн эргэлт хийж, Ерөнхийлөгч, Гадаад хэргийн сайд тэргүүтэй улстөрчдийг баривчлан, засгийн эрхийг гартаа авсан бөгөөд нэг жилийн хугацаагаар онц байдал тогтоогоод байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet